32013R0396

Markmið sem að er stefnt með reglugerð 443/2009 er að draga úr losun gróðurhúsalofttegunda frá bifreiðum sem framleiddar eru í aðildarríkjunum.
Í kjölfar eftirlits með losun gróðurhúsalofttegunda frá nýjum farþegabifreiðum á árunum 2010 og 2011 var viðauka II við reglugerð nr. 443/2009 breytt til þess að einfalda samantekt á upplýsingum um losun gróðurhúsalofttegunda og til þess að auðvelda framleiðendum að veita þessar upplýsingar með skilvirkum hætti. Til að eftirlit með losun gróðurhúsalofttegunda verði skilvirkt þykir því viðeigandi að samstilla reglugerð nr. 1014/2010 við þær breytingar sem gerðar voru á reglugerð nr. 443/2009 með tilliti til slíks eftirlits. Með gerðinni er því verið að uppfæra hvaða upplýsingar eiga að koma um nýjar bifreiðar í þeim tilgangi að samræma kröfur er tengjast losun gróðurhúsalofttegunda við áðurnefnda reglugerð 443/2009.
Helstu atriði sem breytast er í fyrsta lagi að framleiðandi skal skrá upplýsingar um breidd öxla ökutækis. Í öðru lagi fjölda ökutækja með útblástur undir 50 g CO2/km, sbr. 5. gr. reglugerðar 443/2009. Í þriðja lagi nákvæmar upplýsingar um CO2 útblástur ökutækja sem notast við ethanol orkugjafa, án þeirrar 5% lækkunar sem heimil er fyrir þennan orkugjafa, sbr. 6. gr. reglugerðar 443/2009. Í fjórða lagi skulu aðildarríki gefa upp útblásturstölur ökutækja, sem bera nýsköpun í tækni, án þeirra áhrifa sem tæknin hefur, sbr. 12. gr. reglugerðar 443/2009. Ennfremur skulu aðildarríki tilkynna framkvæmdastjórninni um fjölda ökutækja sem falla undir gerðarviðurkenningu skv. 23. og 24. gr. tilskipunar 2007/46/EB, sbr. viðauki II við reglugerð 443/2009. Að lokum eru tilteknar þær merkingar sem aðildarríki skulu fylgja við eftirlit með útblæstri ökutækja. Engin áhrif hér á landi.