Tóbakstilskipun ESB - 32014L0040

Bann við því að setja munntóbak á markað.
Fjarsölu á tóbaksvörum yfir landamæri.
Þá skyldu að leggja fram tilkynningu um nýjar tóbaksvörur.
Setningu á markað og merkingu á tilteknum vörum sem tengjast tóbaksvörum þ.e. rafvindlingum og áfyllingarílaát og jurtavörur til reykinga.
Þær breytingar á íslenskri tóbaksvarnarlöggjöf sem innleiðingin krefst snúa einna helst að auknum kröfum um merkingar tóbaksvara, þ.e. almennar viðvaranir og upplýsingatexta á umbúðum tóbaksvara sem og nýjar myndmerkingar, bann við tóbaksvörum með einkennandi bragði, bann við tóbaksvörum sem innihalda tiltekin efni, bann við merkingum á tóbaksvörum og ytri umbúðum þeirra sem fela í sér tiltekna þætti, s.s. þætti sem koma tóbaksvörum á framfæri og hvetja til neyslu þeirra, bann við því að hafa upplýsingar á einingapökkum um nikótín, tjöru og kolsýringsinnihald vörunnar. Einnig eru ný ákvæði varðandi rekjanleika tóbaksvara og er með þeim ætlað að tryggja að einingapakkar sem innihalda tóbaksvörur séu merktir með einkvæmu auðkenni til að tryggja rekjanleika, þ.e. framleiðsludag, framleiðslustað, framleiðsluaðstöðu, þá vél sem notuð var við framleiðslu tóbaksvörunnar, framleiðsluvakt og tíma, vörulýsingu og . einnig gerir tilskipunin ráð fyrir því að á öllum einingapökkum tóbaksvara sé svokallaður öryggisþáttur sem ekki er hægt að eiga við, sem samanstendur af sýnilegum og ósýnilegum þáttum. Að auki þarf að setja ákvæði í lög um fjarsölu yfir landamæri samkvæmt tilskipuninni og um rafvindlinga, þ.e. um framleiðendur og innflytjendur þeirra, merkingar á einingapökkum, öryggi og innihald þeirra.