BRRD - 32014L0059

Í tilskipun 2014/59/ESB ("BRRD tilskipunin") er mælt fyrir um viðbrögð og aðgerðir til að takast á við erfiðleika og áföll í rekstri lánastofnana og verðbréfafyrirtækja. Markmið tilskipunarinnar er að koma í veg fyrir erfiðleika fyrirtækja sem heyra undir gildissvið tilskipunarinnar þannig að fjármálalegum og efnahagslegum stöðuguleika verði ekki raskað. Til að ná því markmiði er mælt fyrir um reglur sem undirbúa fyrirtæki undir erfiðleika í rekstri sínum, t.a.m. annars vegar sérstaka viðbúnaðaráætlun sem fyrirtæki sjálf gera og hins vegar skilaáætlun sem sérstakt stjórnvald sem nefnt er Skilavald framkvæmir.

Þá er það einnig markmið tilskipunarinnar að lágmarka neikvæðar afleiðingar af erfiðleikum fjármálafyrirtækja ef til þeirra kemur með því að tryggja áframhaldandi kerfislega mikilvæga starfsemi viðkomandi fyrirtækis eða fyrirtækja en takmarka um leið hættu á að erfiðleikar fyrirtækjanna kalli á framlög úr ríkissjóði.