32014R0410

Með reglugerð ESB 510/2011 var komið á stöðlum um losun koldíoxíðs frá léttum sendibifreiðum sem lið í samþættri stefnu sambandsins til að draga úr útstreymi koldíoxíðs frá léttum ökutækjum. Framkvæmdarreglugerð ESB nr. 293/2012 er um eftirlit og skýrslugjöf um og með skráningu nýrra léttra sendibifreiða í samræmi við það sem fram kemur í reglugerð ESB nr. 510/2011. Með þessari reglugerð er ætlunin að gera breytingar á framkvæmdarreglugerð ESB nr. 293/2012 svo reglurnar eigi betur við fjölþrepa bifreiðar.
Í viðauka XII við reglugerð framkvæmdastjórnarinnar (EB) nr. 692/2008 er kynnt ný aðferð til að ákvarða eyðslu sendibifreiða sem hafa hlotið gerðarviðurkenningu sem fjölþrepa ökutæki og losun koldíoxíðs frá þeim.
Í 7. lið B-hluta viðauka við reglugerð (EB) nr 510/2011 er kveðið á um að tilteknum hluta losunar koltvísýrings ökutækja skuli ráðstafað til framleiðanda ökutækis. Þar með þarfa að vera hægt að greina tilbúin fjölþrepa ökutæki og að framleiðandi grunnökutækisins verði auðkenndur. Þar með þurfa jafnframt að vera til ákveðnar upplýsingar um grunnökutækið í samræmi við aðferðafræðina sem sett er fram í XII viðauka við reglugerð (EB) nr. 692/2008.
Framleiðendur grunnökutækja eiga, í samræmi við 5. mgr. 8. gr. reglugerðar (ESB) nr. 510/2011, rétt á að sannreyna gögn sem tengjast fjölþrepa ökutækjum og á hvaða grundvelli koltvísýringslosun þeirra er reiknuð út. Það er því rétt að veita aðgang að viðkomandi gögnum til að tryggja slíka sannprófun.
Vegna mismunandi skráningarkerfa aðildarríkja, eru þau þó ekki fær um að veita allar upplýsingar sem skipta máli við eftirlit með fjölþrepa ökutækjum eftir því sem segir í viðauka II við reglugerð ESB nr. 510/2011. Þar af leiðandi skal framkvæmdastjórnin taka tillit til gagna sem berast frá framleiðendum sem hluta af sannprófunum samkvæmt 5. mgr. 8. gr. reglugerðar ESB nr. 510/2011 til að ákvarða losunarviðmið til bráðabirgða.
Í því skyni að tryggja fulla samsvörun milli krafna sem settar eru fram í framkvæmdarreglugerð ESB nr. 293/2012 og þeim kröfum sem gilda um fólksbifreiðar samkvæmt reglugerð ESB nr. 1014/2010 er rétt að aðlaga gildandi kröfur um tilkynningu villna af hendi framleiðandans í samræmi við þá reglugerð. Því þarf að breyta framkvæmdarreglugerð ESB nr. 293/2012
Þar sem hér á landi eru engir framleiðendur bifreiða er gerðin áhrifalaus hér á landi.
Ath: Commission Regulation (EC) No 692/2008 of 18 July 2008 implementing and amending Regulation (EC) No 715/2007 of the European Parliament and of the Council on type-approval of motor vehicles with respect to emissions from light passenger and commercial vehicles (Euro 5 and Euro 6) and on access to vehicle repair and maintenance information (Text with EEA relevance)