32014R0910

Forveri reglugerðar 910/2014/ESB er tilskipun 1999/93/EB sem var innleidd í íslensk lög með lögum nr. 28/2001 um rafrænar undirskriftir. Tilskipunin frá 1999 fjallar um rafrænar undirskriftir og starfsemi vottunaraðila. Reglugerðin byggir á tilskipuninni en bætir við gildissvið hennar reglum um auðkenningu, vottun, traustþjónustu, tímastimplanir, rafræn innsigli, vefsíður, rafræn skjöl og um rafræna þjónustu milli landa.
Í reglugerðinni er búið til viðurkenningar skipulag sem hefur þann tilgang að auka samvirkni rafrænna samskipta á milli landa. Aðildarríki tilkynna þau opinberu auðkenningarkerfi sem þau vilja til framkvæmdarstjórnar ESB og ef auðkenningarkerfi uppfyllir skilyrði reglugerðarinnar, t.d. varðandi öryggisstig, fer kerfið á lista hjá ESB. Framkvæmdarstjórnin heldur utan um þetta skipulag og aðildarríkjum er heimilt en ekki skylt að tilkynna til framkvæmdarstjórnarinnar opinber auðkenningarkerfi (electronic Identifacation scheme); erfitt er að finna gott hugtak yfir þetta, en þetta er sum sé auðkenningarkerfi í heild sinni þ.e. útgáfa skilríkja, auðkenning, undirritun og eftirlit með ferlinu (fleiri en ein einn aðili getur komið að slíku heildarkerfi). Aðildarríkjum er skylt að taka á móti rafrænum skilríkjum þeirra aðildarríkja sem hafa tilkynnt auðkenningarkerfi sín til framkvæmdarstjórnarinnar. En viðurkenningarskyldan tekur ekki gildi fyrr en þremur árum eftir að framkvæmdarstjórnin setur innleiðingargerðir skv. 3. mgr. 8. gr. og 8. mgr. 12. gr. reglugerðarinnar, en þær tóku gildi 8 september 2015 og því vakna réttaráhrif viðurkenningarskyldunar ekki upp fyrr en 8. september 2018. Réttaráhrifin eru einnig bundin við að viðkomandi kerfi sé birt opinberlega í official journal ESB. Þá er eingöngu hægt að skylda menn til að taka á móti skilríkjum sem eru á sama öryggisstigi.
Auk þessa fjallar reglugerðin um traustþjónustu (trust service). Gildissvið reglugerðarinnar varðar aðeins traustþjónustu sem er aðgengileg almenningi og hefur áhrif á þriðja aðila. Samkvæmt 16. tölul. 3. gr. er traustþjónusta rafræn þjónusta, sem er yfirleitt veitt gegn gjaldi, og felur í sér: Útgáfu, auðkenningu eða vottun rafrænnar undirskriftar, rafræns innsiglis, eða rafrænum stimpli og annarrar sambærilegrar rafrænna aðgerða; útgáfu, auðkenningu og vottorð fyrir vefsíður; geymslu rafrænna undirskrifta, innsigla, eða vottorða sem tengjast þjónustunni.