32015L0720

Tilskipunin leggur skyldur á aðildarríki að minnka notkun á hefðbundnum plastpokum (nær til plastpoka/burðarpoka úr plasti sem eru minni en 0,05 millimetrar að þykkt, sem eru bæði þunnu grænmetispokarnir og venjulegir innkaupapokar stórverslana).

Tilskipunin mælir fyrir um markmið sem aðildarríkin geta náð fram með mismunandi aðferðum, t.a.m. úrgangsáætlunum, að leggja á skatt á notkun slíkra poka eða önnur gjöld eða jafnvel grípa til banns. Undanskilja má burðarplastpoka sem eru þynnri er 15 míkrómetrar. Aðildarríki mega þó einnig láta aðgerðir sínar ná til fleiri tegunda af burðarplastpokum heldur en tilskipunin mælir fyrir um. Nota má tekjur af aðgerðum til að styðja frekari aðgerðir með það að markmiði að draga úr notkun burðarplastpoka. Einnig mælir tilskipunin fyrir um viðurkenningu og merkingu niðurbrjótanlegra burðarpoka.

Markmiðin eru, annað hvort eða bæði:
-að notkun burðarplastpoka sem falla undir tilskipunina verði ekki fleiri en sem svarar 90 slíkum pokum á einstakling fyrir árslok 2019 og 40 slíkum pokum fyrir árslok 2025.
-að slíkum pokum verði ekki dreift af söluaðilum án endurgjalds, nema að önnur úrræði sem skila ekki lakari niðurstöðu hafi verið sett í framkvæmd.

Aðildarríki skulu skila tölulegum upplýsingum til ESA frá 27. maí 2018 um neyslu og notkun slíkra burðarplastpoka.