32015R0806

Reglugerðin innleiðir traustmerki ESB sem auðkennir fullgilda traustþjónustu í skilningi reglugerðar ESB nr. 910/2014. Merkið er til hægðarauka fyrir neytendur sem geta treyst merkinu og vita að varan uppfylli kröfur sem gerðar eru til traustþjónustu.

Í aðfararorðum (47) með reglugerð ESB nr. 910/2014 kemur fram að „tiltrú á nettengdri þjónustu, sem og hagkvæmni hennar, skiptir sköpum til að notendur njóti fulls hagræðis af rafrænni þjónustu og treysti meðvitað á hana. Í þessu skyni ætti að búa til traustmerki ESB til að auðkenna fullgilda traustþjónustu sem veitt er af fullgildum traustþjónustuveitendum. Slíkt traustmerki ESB fyrir fullgilda traustþjónustu myndi aðgreina fullgilda traustþjónustu með skýrum hætti frá annarri traustþjónustu og þannig stuðla að gagnsæi á markaðinum. Notkun fullgildra traustþjónustuveitenda á traustmerki ESB ætti að vera valkvæð og ætti ekki að hafa í för með sér aðrar kröfur en þær sem kveðið er á um í þessari reglugerð.