32015R1018

Markmiðið er að stuðla að fækkun flugslysa og manntjóns þeim tengdum með endurbótum á núgildandi tilkynningakerfum bæði í hverju landi fyrir sig sem og samevrópskum kerfum.
Það markmið með reglugerð 376/2014, sem hér er verið að breyta, var að vera grundvöllur þess að í viðeigandi tilfellum verði gripið til öryggisráðstafana tímanlega og á grundvelli fyrirliggjandi upplýsinga. Jafnframt á að tryggja áframhaldandi framboð á upplýsingum með því að festa í sessi reglur um þagnarskyldu og um viðeigandi notkun upplýsinga, og með samræmdum hætti að styrkja vernd skýrslugjafa og manna sem nefndir eru í atvikaskýrslum. Eina markmið atvikatilkynningar er að koma í veg fyrir slys og óhöpp. Markmiðið er ekki að greina sök og ábyrgð. Nota á flugatvik til að leiðrétta öryggisvankanta og koma í veg fyrir að atvik endurtaki sig. Með það að markmiði á að tryggja að viðeigandi upplýsingum um almenningsflug sé dreift, safnað, geymdar, verndaðar, deilt og þær greindar.
Með þessari framkvæmdarreglugerð er innleidd mismunandi flokkun flugatvika, sem vísa skal til þegar flugatvik sem tilkynna ber eru tilkynnt. Flokkarnir eru eftirfarandi:
1. Flugatvik sem tengjast rekstri loftfars
2. Flugatvik sem tengjast tæknilegu ástandi, viðhaldi og viðgerðum á loftfari
3. Flugatvik sem tengjast flugleiðsöguþjónustu og -aðstöðu
4. Flugatvik sem tengjast flugvöllum og flugafgreiðslu
5. Flugatvik sem tengjast loftförum sem ekki eru flókin, vélknúin loftför, þar á meðal svifflugvélar og fis.
Á meðal þess sem þar kemur fram er að flugmálastjórnum verður gert skylt að setja upp kerfi fyrir voluntary reporting, og krafa er gerð um að áhættuflokkun flugatvika verði að evrópskri fyrirmynd sem er frá Flugöryggisstofnun Evrópu.
Þá kemur þar fram að flugrekendum verður gert skylt að senda tilkynningar beint inn í ECCAIRS gagnagrunninn European Coordination Centre for Accident and Incident.
Flugrekendum er kunnugt um umræddar breytingar, en nánari upplýsingum verður komið á framfæri við þá innan skamms.
Kostnaður við innleiðingu á umræddri framkvæmdarreglugerð snýr að því að flugrekendur þurfa að uppfæra öryggisstjórnunarkerfi sín, en sá kostnaður verður að teljast minni háttar.