32016R0480

Markmiðið er að tryggja nauðsynlegt gegnsæi og réttaröryggi fyrir flutningafyrirtæki, tryggja sanngjarna samkeppni milli fyrirtækja og auka umferðaröryggi.
Um er að ræða nánari útfærslu á ákvæði 16(1) í reglugerð nr. 1071/2009 um skyldu aðildarríkjanna að halda rafræna skrá yfir þá sem fengið hafa leyfi yfirvalda til að stunda flutninga á vegum í atvinnuskyni. Allar upplýsingar úr skrá hvers lands skulu vera aðgengilegar stjórnvöldum hinna aðildarríkjanna. Í ákvæði 16(5) og (6) í reglugerð nr. 1071/2009 er er gerð krafa um að landskrár aðildarríkjanna séu samtengdar og að settar verði sameiginlegar reglur um samtengingu. Í þessu skyni var sett reglugerð ESB nr. 1213/2010 sem átti að greiða fyrir samtengingunni með tilteknu skilaboðakerfi ERRU, eða European Registers of Road Transport Undertakings. Það kerfi hefur ekki virkað sem skyldi og fjöldi annmarka komið fram. Því þótti ástæða til að setja nýjar reglur til að bæta úr annmörkunum, til að tryggja samræmda notkun og fylgja þeirri þróun sem hefur orðið undanfarin ár.
Í reglugerð 2016/480 eru settar fram tæknilegar kröfur til þeirra upplýsinga sem veita á milli landa auk þess sem skipanir – meldingar – sem nota á í kerfinu, þ.m.t. form fyrir upplýsingar eru skilgreind. Þrjár tegundir skipana/meldinga eru skilgreindar: fyrirspurnir um eignarhald, tilkynningar um alvarleg brot og fyrirspurnir um gildandi lög og reglur.
Gera má ráð fyrir að kostnaður verði umtalsverður líklega um 30 m.kr. við að koma upp skánni og tengingu milli landa auk um 10 m.kr. í rekstrarkostnað.