32016R1625

Markmiðið er að auka og styrkja samvinnu og samhæfingu gæslu á ytri landamærum Evrópu. Með reglugerð EB nr. 1406/2002 var Siglingaöryggisstofnun Evrópu (EMSA) stofnuð í því skyni að tryggja hátt og samræmt stig öryggis- og mengunarvarna á sviði siglinga.
Á vettvangi Evrópusambandsins hefur verið fjallað um þörf á að auka samræmingu og samvinnu á sviði strandgæslu. Þetta kemur fram í European Union Maritime Security Strategy frá árinu 2014 og European Agenda on Migration frá 2015.
Tillaga þessi er hluti af stærri pakka sem Framkvæmdastjórnin leggur til og ætlað er að styrkja landamæravörslu á ytri mörkum Evrópu. Í pakkanum felst m.a. tillaga að stofnun landamæra- og strandgæslu stofnunar Evópusambandsins European Border and Coast Guard Agency. Einnig felst í pakkanum breyting á reglugerð EB nr. 768/2005 sem setur á fót Fiskveiðieftirlitsstofnun Evrópusambandins.
Efnisatriði gerðarinnar mæla fyrir um annars vera samvinnu EMSA og hinnar fyrirætluðu landamæra- og strandgæslustofnunar Evópusambandins og hins vegar samvinnu EMSA og Fiskveiðieftirlitssofnun Evrópusambandsins.
Framangreind samvinna felur í sér þjónustu, deilingu upplýsinga og búnaðar sem og þjálfunar.
Þá skal EMSA, í samvinnu við framangreindar stofnanir, aðstoða aðildarríkin við að framfylgja strandgæslu.
Ekki verður séð að gerðin sé EES-tæk, þar sem hún lýtur að atriðum sem falla utan EES-samningsins. Að því gefnu verður ekki séð að gerðin hafi áhrif hér á landi.
Lagastoð væri, væri um það að ræða, í 8. gr. laga um Samgöngustofu, stjórnsýslustofnun samgöngumála, nr. 119/2012.