32016R1927

Í reglugerð (ESB) 2015/757 koma fram grunnkröfur um efni og form vöktunaráætlana, losunarskýrslna og samræmingarskjal og gert ráð fyrir að framkvæmdastjórnin setji nánari reglur um efni, form og tæknilega útfærslu þessara skjala, sbr. 5. mgr. 6. gr., 2. mgr. 12. gr. og 5. mgr. 17. gr. reglugerðar (ESB) 2015/757.
Í þeirri framkvæmdareglugerð sem hér er til greiningar er kveðið á um sniðmát og tæknireglur fyrir vöktunaráætlanir, losunarskýrslur og samræmingarskjöl.
Í framkvæmdarreglugerð þessari er gerð sú krafa að losunarskýrslum fyrirtækja þeirra skipa sem falla undir reglugerð (ESB) 2015/757 sé skilað á rafrænu formi sem aðgengilegt er á THETIS MRV sem er sjálfvirkt upplýsingakerfi ESB sem starfrækt er af Siglingaöryggisstofnun Evrópu (e. European Maritime Safety Agency (EMSA)). Einnig er gert ráð fyrir að vottunaraðilar gefi út samræmingarskjal með því að nota það rafræna sniðmát sem er að finna á THETIS MRV. Í ljósi þessa þarf að tryggja að það stjórnvald sem gegnir stöðu lögbærs stjórnvalds skv. reglugerð (ESB) 2015/757 hafi aðgang að THETIS MRV. Samgöngustofa er með aðgang að framangreindu upplýsingakerfi, THETIS MRV, og því þyrfti að tryggja að Umhverfisstofnun hefði hann einnig ef stofnunin ætti að gegna stöðu lögbærs stjórnvalds skv. reglugerð (ESB) 2015/757.(um nánari umfjöllun um reglugerð (ESB) 2015/757 vísast til upplýsingablaðs Umhverfisstofnunar með þeirri gerð).

Vert er að benda á að eins og fram kom í upplýsingablaði sem var unnið hjá Umhverfisstofnun á haustmánuðum 2015 um reglugerð (ESB) 2015/757, þá eru engin skip yfir 5000 brúttótonnum skráð hér á landi og þ.a.l. fellur ekkert íslenskt skip undir reglugerð (ESB) 2015/57 að svo stöddu.