32017D0126

Árið 2013 ákvað framkvæmdastjórn ESB leiðréttingarstuðul sem liggur þvert á atvinnugreinar (Cross Sectoral Correction Factor, CSCF) eða svo kallaðan almennan leiðréttingarstöðul eins og hann er nefndur í lögum nr. 70/2012 um loftslagsmál, sbr. 8. mgr. 10. gr., fyrir tímabilið 2013-2020. Stuðullinn er notaður í viðskiptakefi Evrópusambandsins um losunarheimildir til að tryggja að ekki sé farið yfir árlegt hámarks magn heimilda, með því að draga úr úthlutun til allra stöðva sem eiga rétt á að fá úthlutað endurgjaldslausum losunarheimildum.

Árið 2014, véfengdu nokkur fyrirtæki úthlutun sína samkvæmt ETS tilskipuninni og þá einkum almenna leiðréttingarstuðlinum sem beitt var við útreikning á losunarheimildum, þar sem fyrirtækin töldu þau of stíf og leiða til of fárra endurgjaldslausra losunarheimilda.

Evrópudómstóllinn komst, í dómi sínum frá 28. apríl 2016, að því að framkvæmdastjórn ESB hefði hins vegar verið of örlát í ákvörðun sinni á hámarki losunarheimilda til endurgjaldslausar úthlutunar. Hámark losunarheimilda hefði samkvæmt dóminum átt vera enn lægra þar sem ákveðinn hluti losunar sem tekinn var með í útreikninga framkvæmdastjórnarinnar á losun til iðnaðar hefði ekki átt að vera með í reikningnum.

Framkvæmdastjórn ESB endurútreiknaði því hlut iðnaðarins í losun, sem þar með lækkaði og lækkaði jafnframt almenna leiðréttingarstuðulinn eins og sett er fram í ákvörðun Framkvæmda-stjórna ESB frá 24. janúar 2017.

Úthlutun losunarheimilda fyrir tímabilið 2013-2020 hefur þegar átt sér stað en ákvörðunin hefur ekki áhrif á þá úthlutun losunarheimilda sem á sér stað fyrir 28. febrúar 2017.
Ákvörðunin mun jafnframt ekki hafa áhrif á:
1) Nýja þátttakendur í staðbundinni starfsemi innan viðskiptakerfisins, sem koma inn í gegnum sjóð fyrir nýja þátttakendur (New Entrants Reserve).
2) Verulega aukna afkastagetu starfstöðvar.
3) Ef rekstri stöðvar er hætt að hluta (Partial Cessation).
4) Samruna og skiptingu starfstöðva (Mergers and splits).

Frá 1.mars 2017 mun nýr almennur leiðréttingarstuðull hafa áhrif á úthlutun vegna
1) Verulegrar skerðingar á afkastagetu (Significant Capacity reduction).
2) Breytingar á því hvort starfsemi telst hætt við kolefnisleka eða ekki (Carbon Leakage Status Change).
3) Leiðréttingar á bráðabirgðafjölda losunarheimilda (national implementation measures (NIMs) corrections).

Þess ber að geta að fyrirtækið Elkem á Íslandi hefur óskað endurskoðunar á útreikningi á þeim losunarheimildum sem fyrirtækinu hefur verið úthlutað. Komi til endurreiknings á úthlutun losunarheimilda til Elkem þá ætti að notast við nýja almenna leiðréttingarstuðluinn og gæti það leitt til þess að fyrirtækið fengi færri heimildum úthlutað en áður hefði verið gert ráð fyrir. Elkem í Noregi rekur sams konar mál þar í landi. Þetta þarf þó að skoða nánar þegar ákvörðun um endurútreikning liggur fyrir.