32017D0727

Markmiðið með gerðinni er að viðurkenna menntun og þjálfun og atvinnuskírteini frá Montenegro vegna starfa á farþega- og flutningaskip í millilandasiglingum sem skráð eru í ESB. Í grunntilskipuninni 2008/106/EB með síðari breytingum er vísað í sérstaka málsmeðferð í 19. gr. þegar viðurkennd eru skírteini frá ríkjum utan sambandsins. Samkvæmt henni þarf land innan EES-svæðisins að óska eftir því að tiltekið ríki utan svæðisins fái viðurkenningu. Grikkland óskaði eftir viðurkenningu á Montenegro sem ríki utan sambandsins sem uppfyllti skilyrði tilsipunar 2008/106. Framkvæmdastjórnin mat aðstæður í Montenegro, m.a. sjómannaskóla og lagaumhverfi. Matið leiddi í ljós að nokkurra úrbóta var þörf í laga- og reglugerðaumhverfi Montenegro. Montenegro hefur nú gert viðeigandi breytingar sem eru fullnægjandi að mati Framkvæmdastjórnarinnar. Telst Montenegro því viðurkennt ríki utan EES-svæðisins samkvæmt tilskipuninni. STCW skírteinishafar með skírteini útgefin í Montenego munu geta fengið áritun á skírteini sín hér á landi. Þá teljast slík skírteini fullnægja kröfum tilskipunarinnar.