32017L2109

Almennt: Úttekt ESB á framkvæmd tilskipunar nr. 98/41/EB leiddi í ljós að þegar kallað var eftir upplýsingum um farþega var ekki hægt að treysta því að þær lægju fyrir. Í þessari nýju gerð er mælt fyrir um rafræna skráningu farþega sem ferðast með farþegaskipum sem falla undir tilskipun nr. 98/41/EB. Skráningin á að fara fram með National Single Window eins og mælt er fyrir um hann í tilskipun 2010/65/ESB.
Efnisútdráttur: Útgerðum farþegaskipa ber að halda skrá yfir farþega um borð. Með þessari nýju tilskipun er fyrst og fremst mælt fyrir um að skráningin sé rafræn og að hún fari í gegnum National Single Window-kerfið eða AIS kerfið. Með breytingunum er nánar mælt fyrir um hvaða upplýsingar skal taka saman og um meðferð upplýsinganna. Útgerðir munu þurfa að taka mið að því. Gildissvið þessarar nýju tilskipunar er öll farþegaskipa sem flytja fleiri en 12 farþega. Undanþegin eru þó herskip, skemmtibátar og skip sem aðeins sigla innan hafna eða á skipgengum vatnaleiðum. Meginreglan skal vera að útgerðir skipa setji um farþegaupplýsingar í National Single Window kerfið en ríki geta ákveðið að tilkynningin fari fram í gegn um AIS kerfið.
Umsögn: helstu breytingar, mati á umfangi, og áhrif hér á landi: Tilskipun 98/41 hefur ekki verið beitt gagnvart útsýnissiglingum líkt og hvalaskoðun v/ 20 mílna í 5.gr og ákvæða um brottför og komu frá sömu höfn í 9.gr. Breytingin felur í sér að ennþá er miðað við 20 mílur í 5.gr. en í 9.gr. miðast undanþágan gagnvart ”brottför og komu frá sömu höfn” við hafsvæði D eingöngu. Ef gengið er út frá því að ”næsta höfn” geti verið ”sama höfn” felur gerðin ekki í sér miklar breytingar. Samgöngustofa mun kanna túlkun nágrannaþjóða á þessu hugtaki
Að öllum líkindum mun Samgöngustofa vilja nýta heimildina til að tilkynna um farþegaupplýsingar í AIS kerfinu fyrir skip sem ekki falla undir tilkynningaskyldu samkvæmt tilskipun 2010/65/ESB í stað þess að krefjast NSW tilkynningar. Aðlögunartími er 6 ár frá 20. desember 2017.
Lagastoð: Lagastoð er í lögum 47/2003, um eftirlit með skipum og lögum nr. 41/2003 um vaktstöð siglinga. Rétt er að innleiða gerðina með breytingu á reglugerð um skráningu einstaklinga sem sigla með farþegaskipum, nr. 659/2000 og reglugerð um samræmda afhendingu og miðlun upplýsinga um flutninga á sjó, nr. 619/2017
Kostnaður: Samgögnustofa og útgerðir munu þurfa að taka mið af breyttum reglum. Ekki erfyrirsjáanlegur umframkostnaður.