32017L2110

Almennt: Tilskipuninni er um kerfi til að skoða ekjuferjur og háhraðafarþegaför í áætlunarferðum til og/eða frá höfnum aðildarríkja EES. Sambandslöggjöfin um skoðun ekjufarþegaskipa er frá árinu 1999 og nú er nauðsynlegt að endurskoða hana, m.a. með vísan í reglur um hafnarríkiseftirlit.
Efnisútdráttur: Meða gerðinni er:
• felld niður tilskipun 99/35/EBE um skoðanir á ekjufarþegaskipum og háhraðafarþegaförum í alþjóðlegum siglingum án tillits til þess undir hvaða fána þau sigla.
• settar kröfur um fánaríkis eftirlit með ekjuferjum og háhraðafarþegaförum sem notuð eru í áætlunarsiglingum milli annars vegar hafna aðildarríkis Evrópusambandsins í og hins vegar ríkis utan sambandsins.
• settar kröfur um eftirlit með ekjuferjum og háhraðafarþegaförum í innanlandssiglingum á hafsvæðum sem falla undir A-flokk sbr. tilskipun nr. 2009/45 án tillits til þess undir hvaða fána þau sigla. Þau hafsvæði sem falla undir A-flokk eiga það sameiginlegt að vera alþjóðleg hafsvæði. Þetta eftirlit er því til viðbótar við eftirlit sem áskilið er samkvæmt tilskipun 2009/45/EB.
• eftirlit með ekjufarþegaskipum og háhraðafarþegaförum í millilanda siglingum sem sigla undir erlendum fána fellt undir tilskipun um hafnarríkiseftirlit nr. 2009/16/ESB.
•    Gerðar nauðsynlegar breytingar á tilskipun 2009/16 vegna breytinga á tækni og umhverfi auk þess að halda samræmi við þessa nýju tilskipun.
Umsögn - helstu breytingar, mati á umfangi, og áhrif hér á landi: Eina skipið sem gerðin tekur til og siglingar hér við land er ekjuferjan Norræna en hún er skráð í Færeyjum. Skipið mun því verða háð hefðbundnu hafnarríkiseftirliti í samræmi við tilskipun 2009/16/ESB í stað eftirlits skv. eldri gerð sem nú er felld úr gildi. Þar sem ekkert íslenskt skip siglir með farþega í millilandasiglingum eða á hafsvæði A, þá hefur gerðin ekki áhrif á íslenskan skipaflota.