Opinbert eftirlit - 32017R0625

Reglugerðin gildir um opinbert eftirlit með reglum um
a) matvæli og matvælaöryggi, heilnæmi, upplýsingagjöf o.fl.
b) sleppingu erfðabreyttra lífvera t.þ.a. framleiða matvæli/fóður
c) fóður og fóðuröryggi á öllum stigum
d) dýraheilbrigðiskröfur
e) að lágmarka áhættu vegna aukaafurða úr dýrum
f) kröfur um velferð dýra
g) verndarráðstafanir gegn plöntuskaðvöldum
h) markaðssetningu og notkun á plöntuverndarvörum
i) lífræna framleiðslu og merkingar á lífrænum vörum
j) notkun og merkingar vernduðum afurðaheitum

Reglugerðin tekur gildi í Evrópusambandinu 14. desember 2019.

Hún tekur við af núgildandi eftirlitsreglugerðum EB/882/2004, EB/854/2004 og fleiri gerðum eins og fram kemur í titli. Innleiðing hennar mun fela í sér ávinning vegna
• samræmdara eftirlitskerfis fyrir alla matvælakeðjuna
• aukins gegnsæis og ábyrgðar lögbærra yfirvalda með birtingu upplýsinga um skipulag og niðurstöður eftirlits
• strangari reglna um svik, sem mun gagnast neytendum og heiðarlegum fyrirtækjum
• samfellds regluverks fyrir inn- og útflutning, sem gerir það heilsteyptara og einfaldara
• þess að eitt sameinað tölvukerfi mun bæta upplýsingaskipti milli ríkja vegna eftirlits
• meiri sveigjanleika við faggildingu á rannsóknastofum
• öflugri ferla og sterkara eftirlits, sem fyrirtæki og eftirlitsstofnanir munu hafa hag af.

Markmið með reglugerðinni er að hún sé regnhlíf fyrir allar eftirlitsákvarðanir í allri matvælakeðjunni. Eftirlitsákvarðanir úr öðrum reglugerðum hafa verið fluttar yfir í þessa. Það skapar samræmi milli málaflokka, einföldun og öruggara eftirlit í allri matvælakeðjunni. Það hefur m.a. í för með sér að ákvæði varðandi innflutningsákvarðanir eru teknar saman og samræmdar, ákvæði um tilvísunarmiðstöðvar, sameinað tölvukerfi verður til undir einni stjórn.
Í reglugerðinni fær framkvæmdastjórn EB yfir 70 heimildir til að setja framseldar gerðir og framkvæmdargerðir. Það er ekki síst í þeim sem útfærsla ýmissa breytinga reglugerðar EB nr. 625/2017 kemur í ljós.