32017R0672

Útdráttur:
Gerðin varðar reglugerð (EB) nr. 1924/2006 um næringar og heilsufullyrðingar, einkum gr. 18(5) þeirrar reglugerðar. Samkvæmt reglugerðinni eru næringar og heilsufullyrðingar bannaðar nema þær séu heimilaðar af framkvæmdastjórn EB í samræmi við reglugerð 1924/2006 og birtar á lista yfir leyfilegar fullyrðingar.
Umsóknir um leyfi fyrir næringar- og heilsufullyrðingum skulu sendar til lögbærs stjórnvalds í viðkomandi ríki. Stjórnvaldið sendir umsóknina áfram til Evrópsku matvælaöryggisstofnunarinnar (EFSA) sem metur umsóknina, og til framkvæmdastjórnar (EB) og aðildarríkja til upplýsinga.

Í gerðinni er fjallað um umsókn um næringar og heilsufullyrðingu. Umsóknin barst frá AlzChem AG, vegna heilsufullyrðingar um áhrif kreatíns ásamt styrktarþjálfun á vöðvastyrk. Umsækjandi óskaði eftir að fá að nota eftirfarandi fullyrðingu: „Kreatín hjálpar til við að viðhalda vöðvastyrk í fullorðnu fólki ”.

Matvælaöryggisstofnunin telur að samkvæmt þeim gögnum sem lögð voru fram með umsókninni sé hægt að sýna fram á samband milli neyslu kreatíns með styrktarþjálfun og aukins vöðvastyrks. Markhópurinn er fullorðnir, yfir 55 ára aldri, sem stunda reglulega styrktarþjálfun. Heilsufullyrðing sem byggir á þessari niðurstöðu er í samræmi við ákvæði reglugerðar (EB) nr. 1924/2006 og má setja hana á lista yfir leyfilegar fullyrðingar.

Fullyrðingin er leyfð með viðeigandi skilyrðum um að fram komi að til að hafa áhrif þurfi styrktarþjálfun að vera samhliða neyslu, lágmarksmagn kreatíns sé 3 g/dag og að markhópur sé fólk yfir 55 ár aldri.