32017R0676

Reglugerð um gildistöku framkvæmdarreglugerðar framkvæmdastjórnarinnar (ESB) 2017/676, frá 10. apríl 2017, um leyfi fyrir heilsufullyrðingu er varða matvæli og vísa hvorki til minnkunar á sjúkdómsáhættu né til þroskunar eða heilbrigðis barna og um breytingu á reglugerð (ESB) nr. 432/2012.

Gerðin varðar reglugerð (EB) nr. 1924/2006 um næringar og heilsufullyrðingar, einkum gr. 18(5) þeirrar reglugerðar. Samkvæmt reglugerðinni eru næringar og heilsufullyrðingar bannaðar nema þær séu heimilaðar af framkvæmdastjórn EB í samræmi við reglugerð 1924/2006 og birtar á lista yfir leyfilegar fullyrðingar.

Umsóknir um leyfi fyrir næringar- og heilsufullyrðingum skulu sendar til lögbærs stjórnvalds í viðkomandi ríki. Stjórnvaldið sendir umsóknina áfram til Evrópsku matvælaöryggisstofnunarinnar (EFSA) sem metur umsóknina, og til framkvæmdastjórnar (EB) og meðlimslanda til upplýsinga.

Í gerðinni er fjallað um umsókn um næringar og heilsufullyrðingu. Umsóknin barst frá DuPont Nutrition BioSciences ApS, vegna heilsufullyrðingar um áhrif laktítóls á viðhald eðlilegra hægða. Umsækjandi óskaði eftir að fá að nota eftirfarandi fullyrðingu: „laktitól stuðlar að eðlilegri þarmastarfsemi ”.
Matvælaöryggisstofnunin telur að samkvæmt þeim gögnum sem lögð voru fram með umsókninni sé hægt að sýna fram á samband milli neyslu laktítóls og viðhalds á eðlilegum hægðum. Markhópurinn er fullorðið fólk. Heilsufullyrðing sem byggir á þessari niðurstöðu er í samræmi við ákvæði reglugerðar (EB) nr. 1924/2006 og má setja hana á lista yfir leyfilegar fullyrðingar.
Fullyrðingin er leyfð með viðeigandi skilyrðum sem fram koma í viðauka við þessa reglugerð.
Listi yfir leyfilegar fullyrðingar, í samræmi við reglugerð (ESB) 1924/2006, skal því uppfærður í samræmi við þessa reglugerð.