32017R0686

Með reglugerð nr. 167/2013/ESB voru settar nýjar reglur um landbúnaðarökutæki. Reglugerð nr. 2015/96/ESB var ein af nokkrum gerðum sem sett var til fyllingar á reglugerð nr. 167/2013/ESB. Í henni eru reglur sem ætlaðar voru til þess að draga úr losun skaðlegra lofttegunda.
Markmiðið er að koma í veg fyrir að sambandslöggjöfin setji fram tæknikröfur sem ekki er hægt að verða við og til að forðast aðstæður þar sem landbúnaðarökutæki í tilteknum flokkum, með vélarafl milli 56-130 kW, geti ekki lengur verið gerðarviðurkennd, markaðssett eða tekin í notkun. Því er nauðsynlegt að kveða á um eins árs aðlögunartímabil og á þeim tíma mega landbúnaðarökutæki vera gerðarviðurkennd, markaðssett eða tekin í notkun ef þau uppfylla losunarmörk stig IIIB.
Reglugerðin inniheldur aðeins eina efnisgrein sem er annars vegar breyting á 4. mgr. 11. gr. reglugerðar nr. 2015/96/ESB og lið 1.1.1. í V. viðauka. Breytingarnar miða að því að setja fram sveigjanlegri áætlun fyrir gerðarviðurkenningu og markaðssetningu landbúnaðarökutækja. Þessi sveigjanlega áætlun heimilar framleiðendum landbúnaðarökutækja að festa kaup á takmörkuðu magni véla sem uppfylla ekki leyfileg losunarmörk, en voru í samræmi við kröfurnar sem giltu áður, þ.e. uppfylla stig IIIB en ekki stig IV.
Engin áhrif hér á landi þar sem reglugerðin á við framleiðendur og prófunaraðila á ökutækjum og engir slíkir eru á Íslandi.