32017R0752

Frá því reglugerðinni var síðast breytt hefur Matvælaöryggisstofnun Evrópu (EFSA) birt nokkur álit um efni sem má nota í matvælasnertiefni úr plasti ásamt nýjum notkunarskilyrðum fyrir efni sem þegar eru í notkun. Að auki hefur texti reglugerðarinnar verið leiðréttur á nokkrum stöðum þar sem ástæða þótti til. Því hafa eftirfarandi breytingar og leiðréttingar verið samþykktar:

1) Í tölu 1 í viðauka I við reglugerðina er vísað í töflu 3 í sama viðauka. Þar er sagt að staðfesta megi samræmi á grundvelli innihalds leifa, miðað við yfirborðsflöt sem er í snertingu við matvæli (HMY), meðan þess er beðið að greiningaraðferð verði tiltæk. Þar sem að greiningaraðferðir eru nú aðgengilegar og sértæk flæðimörk hafa verið skilgreind fyrir efni með EMS-númer: 142, 168, 202, 387, 462, 467, 481, 502, 662 og 779, skal tilvísun í töflu 3 fjarlægð.

2) EFSA hefur gefið jákvætt álit um notkun nokkurra nýrra efna í plast. Eftirfarandi efnum er bætt inn á lista yfir leyfileg efni í töflu 1 í viðauka I. Efni með eftirfarandi EMS-númer: 1007, 1016, 1030, 1055, 1060 og 1062.

3) EFSA hefur birt álit um hættu af innihaldi nikkels matvælum og drykkjarvatni. Í álitinu er leyfileg dagleg neysla (TDI) sett 2.8 μg Ni/kg líkamsþyngd/dag. Í álitinu kemur fram að margir neytendur fá í sig Ni yfir TDI-gildi úr fæði, þetta á einkum við um ungt fólk. Því er talið hæfilegt að magn Ni sem komi frá plasti sé 10% af hefðbundnu flæðigildi. Því er sett flæðigildið 0,02 mg/kg matvæla fyrir flæði Ni frá matvælasnertiefnum úr plasti. Þessu gildi skal því bætt inn á lista yfir leyfilegt flæði málma í viðauka II viðreglugerðina.

4) Í viðauka III, 4. tölulið eru matvælahermar til að prófa heildarflæði flokkaðir. Textinn í þessari grein er ekki nægilega skýr og skal því umorðaður.

5) Í tölulið 8 iii í viðauka IV, við reglugerðina er fjallað um samræmisyfirlýsingu. Þar segir að rekstraraðili skuli gefa upp hlutfall, milli yfirborðsflatar í snertingu við matvæli og rúmmál, sem skal notað til ákvarða hvort matvælasnertiefni sé í samræmi við kröfur um flæði. Hins vegar er ekki ljóst fyrir notenda hvort um sé að ræða hæsta leyfilega hlutfall. Því skal tölulið 8 iii breytt þannig að skýrt komi fram að um hæsta hlutfall, umbúða og rúmmáls, sé að ræða miðað við að efnið sé í samræmi við ákvæði í 17. og 18. gr. reglugerðarinnar.