32017R0874

Reglugerð framkvæmdastjórnarinnar (EB) 2017/874 frá 22. maí 2017 um breytingu á III. viðauka við reglugerð Evrópuþingsins og ráðsins (EB) nr. 1333/2008 að því er varðar notkun á bútan(E 943a), ísóbútan(E 943b) og própan (E 944) í litarefnablöndur.

Útdráttur:
Í viðauka III við reglugerð (ESB) nr. 1333/2008 er skrá Bandalagsins yfir matvælaaukefni, sem samþykkt eru til notkunar í matvælaaukefni, matvælaensím og matvælabragðefni, og skilyrði fyrir notkun þeirra.

Listann má uppfæra í samræmi við sameiginlegu málsmeðferðina sem um getur í 1. mgr. 3. gr. reglugerðar Evrópuþingsins og ráðsins (EB) nr. 1331/2008, annaðhvort að frumkvæði framkvæmdastjórnarinnar eða vegna umsóknar.

Umsóknin tekur til notkunar á drifefnum í úðabrúsa fyrir litarefni til notkunar á matvæli. Þetta eru litarefni í flokkum II og III í C Hluta, viðauka II við reglugerð 1333/2008.

Bútan, ísóbútan og própan eru drifefni sem leyfð eru í úðabrúsa fyrir m.a. steikingarfeiti. Þau eru ekki talin hafa skaðleg áhrif þar sem þau eru mjög rokgjörn og styrkur þeirra í matvælum lækkar undir 1 mg/kg, einni klukkustund eftir notkun.

Lofttegundirnar eru eldfimar í styrk yfir 1 mg/kg og því verður notkun á úðabrúsum með efnunum takmörkum við matvælafyrirtæki.

Þær takmarkanir á notkun sem lagðar eru til í reglugerðardrögunum, þ.e. hámarksgildi í matvælum < 1 mg/kg í tilbúinni vöru og að eingöngu matvælafyrirtæki fái að nota úðabrúsana tryggja að notkunin mun ekki hafa hættu í för með sér.

Viðauka III við reglugerð (ESB) nr. 1333/2008 er því breytt í samræmi við það.