32017R1271

Í viðauka III við reglugerð (ESB) nr. 1333/2008 er að finna lista sambandsins yfir aukefni sem leyfð eru í aukefni, ensím, bragðefni, næringarefni og skilyrði fyrir notkun þeirra.

Listann má uppfæra í samræmi við sameiginlega málsmeðferðina sem um getur í 1. mgr. 3. gr. Reglugerðar Evrópuþingsins og ráðsins (EB) nr. 1331/2008, annaðhvort að frumkvæði framkvæmdastjórnarinnar eða með umsókn.

Sótt var um leyfi fyrir notkun á kísildíoxíði (E 551) sem kekkjavarnarefni í kalíumnítrat (E252). Við geymslu hefur kalíumnítrat tilhneigingu til að mynda kekki eða köggla. Þetta hefur áhrif á notkun þess í matvælavinnslu, þar sem erfiðara er að tryggja flæði og rétta skömmtun á efninu. Umsækjandi hefur sýnt fram á að þau kekkjavarnarefni sem leyfð eru í kalíumnítrat (E252) eru ekki nægilega virk og geta haft áhrif á sýrustig matvæla og þar með vinnslueiginleika. Kalíumdíoxíð hefur ekki slík áhrif.

Vísindanefnd um matvæli(Scientific Committee for Food) setti hópgildi fyrir ásættanlega daglega neyslu fyrir kísildíoxíð og nokkur sílíköt (natríum, kalíum, kalsíum og magnesíum sílíköt) vegna notkunar sem kekkjavarnarefna. Samkvæmt því telst kísildíoxíð ekki vera hættulegt heilsu í því magni sem þarf til að ná tæknilegum tilgangi. Notkun á kísildíoxíði veldur því takmörkuðum váhrifum þegar það er notað sem kekkjavarnarefni.

Samkvæmt gr. 3(2) í reglugerð (EB) nr. 1331/2008, þarf Framkvæmdastjórnin að leita álits EFSA þegar listi Bandalagsins í viðauka III við reglugerð 1333/2008 er uppfærður, nema þegar tallið er að breytingin sé ekki líkleg til að hafa áhrif á heilsu.

Þar sem leyfi til notkunar á kísildíoxíði í kalíumnítrat telst vera breyting á listanum sem ekki er líklegt að hafi áhrif á heilsu, er ekki nauðsynlegt að leita álits EFSA.

Því er lagt til að leyft verði að nota kísildíoxíð (E551) sem kekkjavarnarefni í kalíumnítrat (E 252).
Viðauka III við reglugerð (ESB) nr. 1333/2008 er því breyta í samræmi við það.