32017R1440

Almennt: Markmiðið með reglugerðinni er að bæta úr þeim annmörkum sem komið hafa upp við notkun á European Registers of Road Transport Undertakings, ERRU. ERRU er rafrænt skilaboðakerfi rafrænu landsskrárinnar sem komið var á fót með reglugerð 1071/2009.
Reglugerð EB nr. 1071/2009, um sameiginlegar reglur varðandi skilyrði sem uppfylla þarf til þess að mega starfa sem flutningsaðili á vegum og um niðurfellingu á tilskipun ráðsins 96/26/EB, er m.a. um skyldu aðildarríkjanna að halda rafræna skrá yfir þá sem fengið hafa leyfi yfirvalda til að stunda flutninga á vegum í atvinnuskyni. Um það fjallar 1. mgr. 16. gr. reglugerðarinnar. Allar upplýsingar úr skrá hvers lands skulu vera aðgengilegar stjórnvöldum hinna aðildarríkjanna. Í 5. og 6. mgr. 16. gr. er sett fram krafa um að landskrár aðildarríkjanna séu samtengdar og að settar verði sameiginlegar reglur um samtengingu.
Í þessum tilgangi var sett reglugerð ESB nr. 1213/2010 um sameiginlegar reglur varðandi samtengingu rafrænna landsskráa yfir flutningafyrirtæki á vegum. Hún átti að greiða fyrir samtengingunni með tilteknu skilaboðakerfi ERRU, eða European Registers of Road Transport Undertakings.
Með reglugerð (ESB) 2016/480 er felld úr gildi reglugerð ESB nr. 1213/2010. Ástæðan er sú að það kerfi sem sett var upp með reglugerð ESB nr. 1213/2010 hefur ekki virkað sem skyldi og fjöldi annmarka komið fram. Því þótti ástæða til að setja nýjar reglur til að bæta úr annmörkum. Þannig á að tryggja samræmda notkun og fylgja þeirri þróun sem hefur orðið undanfarin ár.
Í reglugerð ESB nr. 2016/480 er aðildarríkjunum gefið val um hvort skilaboð sem eiga að fara á önnur aðildarríki séu send í gegnum miðlægt kerfi framkvæmdastjórnarinnar eða eingöngu á milli þessara tveggja aðildarríkja, e. peer-to-peer. Með þeirri reglugerð sem hér er til umfjöllunar er gert að skyldu að öll skilaboð fari í gegnum miðlægt kerfi. Auk þess eru gerðar minniháttar breytingar í því skyni að gera texta reglugerðarinnar nákvæmari og skýrari.
Efnisútdráttur: Reglugerðin inniheldur eftirfarandi 3. ákvæði:
1. gr. - Nýrri málsgrein er bætt við 3. gr. í reglugerð nr. 2016/480/ESB um tengingu aðildarríkis við ERRU, European Registers of Road Transport Undertakings. Tilteknar prófanir þarf að gera áður en af tengingu verður. Framkvæmdastjórninni eru veittar heimildir til aðgerða ef annmarkar eru taldir hafa verið á prófunum.
2. gr. - Viðaukum I, III, VI, VII og VIII við reglugerð nr. 2016/480/ESB er breytt í samræmi við viðauka þessarar reglugerðar en aðallega er um að ræða minniháttar orðalagsbreytingar.
3. gr. – Gildistökuákvæði.
Umsögn: Samkvæmt umsögn um reglugerð (ESB) 2016/480 sem send var ráðuneytinu var gert ráð fyrir að kostnaður við kerfið yrði umtalsverður líklega um 30 m.kr. við að koma upp skránni og tengingu milli landa auk um 10 m.kr. í rekstrarkostnað. Þessi tiltekna gerð ætti ekki að valda frekari kostnaði við uppsetningu kerfisins í heild sinni.