32017R1926

Almennt: Markmiðið er að tryggja sem best virkni ITS reglna á grundvelli tilskipunar ESB nr. 2010/40 um skynvædd samgöngukerfi, sbr. reglugerð nr. 342/2013.
Í tilskipun ESB nr. 2010/40 er settur rammi til stuðnings samræmdrar og samfelldrar útbreiðslu og notkunar skynvæddra flutningskerfa innan Sambandsins, einkum yfir landamæri milli aðildarríkja, og sett fram almenn skilyrði sem nauðsynleg eru í því skyni.
Skv. a-lið 3. gr. tilskipunar 2010/40/ESB er ein forgangsaðgerða að veita fjölþátta ferðaupplýsingaþjónustu innan Evrópusambandsins.
Skv. 5. gr. tilskipunarinnar skulu aðildarríki grípa til nauðsynlegra raðstafana til að tryggja að forskriftunum, sem framkvæmdastjórnin samþykkti í samræmi við 6. gr., tilskipunarinnar sé beitt við setja upp verkbúnað og veita þjónustu fyrir skynvædd flutningakerfi í samræmi við meginreglur II. viðauka.
Gerðin er sett til útfærslu á framangreindri 5. gr. tilskipunar 2010/40/ESB. Með henni er kveðið á um nauðsynlegar forskriftir til að tryggja að fjölþátta ferðaupplýsingaþjónusta innan Evrópusambandsins sé nákvæm og tiltæk þvert á landamæri til notenda skynvæddra flutningakerfa (ITS). Forskriftir þessarar gerðar eiga að ná til allra samgöngumáta í sambandinu, bæði almenningssamgangna og persónulegra.
Efnisútdráttur: Reglugerðin inniheldur 11 ákvæði ásamt viðauka.
1. gr. – Gildissvið. Gerðin er sett til útfærslu á framangreindri 5. gr. tilskipunar 2010/40/ESB. Með þessari gerð er kveðið á um nauðsynlegar forskriftir til að tryggja að fjölþátta ferðaupplýsingaþjónusta innan Evrópusambandsins sé nákvæm og tiltæk þvert á landamæri til notenda skynvæddra flutningakerfa (ITS). Forskriftir þessarar gerðar eiga að ná til allra samgöngumáta í sambandinu, bæði almenningssamgangna og persónulegra.
2. gr. – Skilgreiningar. Tekið fram að skilgreiningar sem koma fram í tilskipun 2010/40/ESB og í reglugerð 1315/2013/ESB skuli gilda samhliða.
3. gr. – Afgreiðsla aðildarríkis. Hvert aðildarríki á að setja upp sérstaka afgreiðslu access point á landsvísu fyrir notendur. Þetta getur verið sama afgreiðsla og sett var upp samkvæmt tilskipun 2010/40/ESB og afleiddum gerðum. Afgreiðslan skal veita notendum tiltekna þjónustu og aðgang að gögnum. Tvö eða fleiri aðildarríki geta sameinast um afgreiðslu.
4. gr. – Aðgengi, skipti og endurnýting á stöðluðum ferða- og umferðargögnum. Yfirvöld samgöngumála, flutningsaðilar, stjórnendur innviða og aðrir sem málið varðar skulu veita tilteknar upplýsingar skv. 1. lið í viðauka við gerðina í samræmi við viðeigandi reglur.
5. gr. – Aðgengi, skipti og endurnýting á lifandi ferða- og umferðargögnum. Þegar aðildarríki ákveða að veita lifandi ferða- og umferðargögn um mismunandi flutningsmáta sem taldir eru upp í 2. lið í viðauka við gerðina í gegnum innlendu afgreiðsluna skulu yfirvöld samgöngumála, flutningsaðilar, stjórnendur innviða eða aðrir þjónustuaðilar nota tilteknar staðla/reglur sem talin eru upp í ákvæðinu.
6. gr. – Gagnauppfærsla. Ferðaupplýsingaþjónusta skal byggð á uppfærslum á stöðluðum og lifandi ferða- og umferðargögnum og gera skal nauðsynlegar lagfæringar vegna breytinga eða leiðréttinga.
7. gr. – Samtenging ferðaupplýsingaþjónusta. Ef eftir því er óskað skulu ferðaupplýsingaþjónustuaðilar veita öðrum upplýsingaþjónustuaðilum vegvísunarniðurstöður byggðar á stöðluðum og ef hægt er lifandi, upplýsingagögnum. Í ákvæðinu er tiltekið á hverju vegvísunarniðurstöðu skulu byggðar.
8. gr. – Kröfur um þjónustuskilyrði endurnotkunar ferða- og umferðargagna og samtengingu ferðaupplýsingaþjónustu
9. gr. – Samræmismat. Aðildarríkin skuli meta hvort samgönguyfirvöld, flutningsaðilar ferðaupplýsingagjafar og aðrir fari eftir þeim skilyrðum sem sett eru fram í 3. – 8. gr. og mega stjórnvöld óska eftir tilteknum upplýsingum vegna þess.
10. gr. Tilkynningarskylda. Fyrir 1. desember 2019 eiga aðildarríkin að gefa Framkvæmdastjórninni skýrslu um hvaða skref hafa verið tekin í þá átt að setja upp aðgangspunkt og um virkni hans. Annað hvert ár eftir það þarf að gefa Framkvæmdastjórninni skýrslu um tiltekin atriði sem talin eru upp í ákvæðinu.
11. gr. – Gildistökuákvæði.
Umsögn: Um er að ræða skyldu til að grípa til nauðsynlegra aðgerða til þess að forskriftum sem framkvæmdastjórnin samþykkir sé beitt við verkbúnað og þjónustu fyrir skynvædd flutningakerfi. Aðildarríki getur sjálft ákvarðað útbreiðslu slíks búnaðar og þjónustu á yfirráðasvæði sínu. Þó er gert ráð fyrir að eftir að lokið er við gerð forskrifta á tilteknu forgangssviði verði settar reglur um starfshætti ESB við útbreiðslu viðkomandi forgangsaðgerðar. (Úr minnisblaði Vegagerðarinnar frá 14. júní 2012 varðandi 5. gr. tilskipunar 2010/40/ESB en þessi gerð byggir á því ákvæði.)
Persónuvernd – tekið fram að öll vinnsla persónuupplýsinga skuli fara fram í samræmi við gildandi lög og reglur um persónuvernd og meðferð persónuupplýsinga.
Mat eða tilgreining á kostnaði: Enginn umframkostnaður ætti að vera við þessa gerð. Kostnaður við afgreiðslur, access points, og þau gögn sem þar eiga að vera aðgengileg ætti að hafa komið fram áður enda hefur uppsetning afgreiðsla komið fram í öllum afleiddum gerðum af tilskipun 2010/40/ESB og innleiddar hafa verið með reglugerð nr. 342/2013.
Tilgreining á hagsmunaaðilum: Vegagerðin.