32017R1953

Til að stuðla að því að ná markmiðum um útbreiðslu á háhraða farnetsþjónustu á öllu EES-svæðinu var á árunum 2013/2014 settur á laggirnar styrktarsjóður til innviðauppbyggingar í fjarskiptum, e. Connect Europe Facility Fund. Er hann einkum hugsaður til að styðja við uppbygginu í ríkjum sem eru komin skammt á veg með uppbyggingu á háhraðanetum og standa ekki fjárhagslega vel að vígi. Eftir því sem PFS sýnist eru gerð flókin og ströng skilyrði til að njóta styrkja úr sjóðinum.
Sú tillaga að breytingu sem nú er verið gera á hlutverki og úthlutunarreglum sjóðsins tengjast þeim áformum framkvæmdastjórnar ESB að búa til s.k. heit svæði, e. Hot Spots, þar sem nálgast má ókeypis þráðlaust Wi-Fi samband í miðkjörnum helstu bæja og borga EES-svæðisins. Er gert ráð fyrir því að sveitarfélög geti sótt um styrki til að setja upp Wi-Fi net á opinberum stöðum, t.d. á bókasöfnum, í skólum og í íþrótta- og tómstundabyggingum. Skilyrði fyrir styrkveitingu í þessum efnum er að enginn aðgangur að háhraðafarneti sé fyrir hendi á viðkomandi stað. Á Íslandi er útbreiðslu á háhraðafarneti, sérstaklega í byggðakjörnum, með þeim hætti að íbúar í flestum, ef ekki öll sveitarfélögum, hafa aðgang að háhraðafarneti. Það eru helst heimili og vinnustaðir í strjálbýli sem ekki njóta slíkrar þjónustu, en það eru þá um leið svæði sem falla fyrir utan markmiðið um að búa til heit svæði á opinberum stöðum í byggðakjörnum.
Með tilliti til stöðu á útbreiðslu háhraðþjónustu hér á landi verður að telja ólíklegt að íslensk fyrirtæki eða sveitarfélög eigi möguleika á styrkjum úr sjóðinum. Samkvæmt framangreindu er það því mat að þessar breytingar á styrkúthlutunum úr styrktarsjóði fjarskiptainnviða innan EES-svæðisins hafi litla sem enga þýðingu fyrir Ísland.
4. Stefnumótun um háhraða fjarskipti
Í tengslum við birtingu draga að hinu nýja fjarskiptaregluverki birti framkvæmdastjórn ESB jafnframt stefnumótun sína varðandi 5G og um gigabit þjóðfélag. Þar kemur efnislega fram vilji framkvæmdastjórnarinnar um að stuðla að innleiðingu háhraða farneta með 5G tækni og háhraða aðgangsneta, aðallega með ljósleiðurum, á næstu árum. Þó svo að hér sé ekki um eiginlega lagasetningu að ræða þá er EECC regluverkinu m.a. ætlað að stuðla að því að ná fram þeim markmiðum sem fram koma í stefnumótuninni.
5. Afstaða PFS og mat á áhrifum
Drög að nýju fjarskiptaregluverki ESB, EECC, The European Electronic Communiations Code eru hluti af verkefnum sem leiða af heildarstefnumótun ESB á sviði rafrænna samskipta er nefnist hinn stafræni innri markaður, The Digital Single market. Þessi stefnumótun var sett fram í maí 2015 og hvílir hún á þremur meginstoðum; (1) bætt online aðgengi að vörum og þjónustum, (2) að skapa réttar aðstæður til að stafræn net og þjónustu blómstri og (3) að hámarka vaxtarmöguleika stafræns evrópsks markaðar.
Undir hverja af þessum meginstoðum falla síðan ýmiss verkefni eins og að endurskoða stöðu höfundarréttar, örva viðskipti yfir landamæri, endurskoða fjölmiðlalög, endurskoða persónuvernd, mjög aukin áhersla á netöryggi og raunlægt öryggi, áhersla á rafræna stjórnsýslu auk þeirrar endurskoðun fjarskiptaregluverksins sem hér er til umræðu.
Nú liggja fyrir endurskoðaðar gerðir eða drög að gerðum um ýmsa þætti rafrænna samskipta. Fyrir liggur að innleiða nýjar reglur um alþjóðlegt reiki innan EES svæðisins þar sem reikigjöld verða að mestu aflögð, reglur um nethlutleysi sem muni setja tóninn fyrir þróun þjónustu á Internetinu næstu árin, nýtt regluverk um markaðseftirlit, ný tilskipun um netöryggi og raunlægt öryggi þjóðfélagslega mikilvægra innviða (NIS tilskipunin), tilskipun um hagkvæma uppbyggingu innviða (nr. 61/2014), ný tilskipun um persónuvernd í fjarskiptum auk hinna nýju draga að endurskoðun fjarskiptaregluverksins.
PFS telur afar mikilvægt að horft verði heildstætt á þau verkefni sem framundan eru við rafræna þjónustu samfélagsins. Innan stofnunarinnar hefur myndast mikil þekking og reynsla af þeim verkefnum er snúa að þeim samskiptum. Mikilvægt er að horfa til samlegðar þeirra verkefna sem af innleiðingu ofantalinna gjörða leiða, t.d. þekkingu á innviðum, gerð landfræðilegra upplýsingakerfa um innviði, öryggi, stjórnsýslu og markaðsþekkingu. Jafnframt bendir stofnunin á að áherslur í hinu nýja regluverki sem og í þeim gjörðum sem að ofan eru taldar eru á hagkvæma uppbyggingu innviða, aukið öryggi og að innleiða öryggi og rafræna þjónustu á sem flest svið þjóðfélagsins.
Áhrif hins nýja regluverks ættu að vera þau að viðhalda og styðja við þann árangur sem náðst hefur við þróun samkeppni á fjarskiptamarkaði, áframhaldandi uppbyggingu innviða, bætt öryggi þjóðfélagslegra mikilvægra innviða og enn frekari samþætting ýmissa innviða og þjónustuþátta þeirra við rafræn samskipti á ýmsum sviðum þjóðfélagsins, t.d. er varðar samgöngur. Því er mikilvægt við innleiðingu regluverksins að horfa vítt yfir sviðið og kortleggja snertifleti rafrænna samskipta við hina ýmsu starfsemi og samþætta þannig notkun rafrænna samskipta og eftirlit með rafrænum samskiptum til að bæta hag almennings, öryggi, aðgengi og skilvirka framþróun þjónustu fyrir almenning og fyrirtæki.