32017R2311

Innleiðingarreglugerðin er sett í framhaldi af þeim breytingum sem gerðar voru á reikireglugerðinni, nr. 531/2012/EB, með hinni svo kölluðu Telecom Single Market reglugerð, nr. 2015/2120/EB. Þar var boðað að framkvæmdastjórnin myndi setja nánari reglur um Roam Like Home, þ.e. að reikigjöld skyldu miðast við heimaverðskrá notandans. Enn fremur að hámark á álagi sem leggja má á símtöl sem tekið er á móti við reikinotkun, umfram viðmið um sanngjörn not, skuli vera vegið meðaltal slíks verðs innan EES-svæðisin. Það verð skal reiknað út og uppfært einu sinni á ári. Reikireglugerðin, nr. 531/2012/EB, ásamt þeim breytingum sem gerð var á henni með TSM reglugerðinni hafa verið innleiddar hér á landi.
Í samræmi við ofangreindar reglugerðir hafa reikigjöld, þ.e. lúkningarverðið, verið lækkuð með því að setja á þau hámark á undanförnum árum. Í þessari tilteknu reglugerð er gert ráð fyrir enn einu lækkunarþrepi reikigjalda. Nú er verið að uppfæra útreiknað vegið meðaltal lúkningarverðs í farsíma. Það skal nú vera 0,0091 evrusent fyrir hverja mínútu. Með lúkningarverði er átt við það gjald sem fjarskiptafyrirtæki í því landi sem símtal á sér stað í má leggja á gjaldanda frá öðru ríki til viðbótar þeirri gjaldskrá sem þar gildir. Gjaldið er síðan innheimt af þeim sem hringir fyrir milligöngu þess fjarskiptafyrirtækis sem hann á viðskipti við í sínu heimalandi. Lúkningarverð hafa verið nefnd reikigjöld í almennu tali.
Að áliti Póst- og fjarskiptastofnunar er mikilvægt að innleiðing fari fram sem fyrst. Þá mun Póst- og fjarskiptastofnun taka að sér að upplýsa fjarskiptafyrirtækin um þær verðbreytingar sem eru í vændum.