32018D0646

Minnisblað 25.11.2016:

Þann 7. nóvember barst fulltrúum í vinnuhópi EFTA um menntun og þjálfun erindi frá EFTA skrifstofunni þar sem óskað var eftir mati á innleiðingu ákvörðunar ESB um Europass frá 4. október 2016 (Commission Proposal for a Decision of the European Parliament and of the Council on a common framework for the provision of better services for skills and qualifications (Europass) and repealing Decision No 2241/2004/EC - COM(2016) 625 ).

Meginmarkmið ákvörðunarinnar er að nútímavæða tæki/tól ESB og þjónustuna til að tryggja að þau mæti breyttum þörfum notenda.
Útfærsla markmiðsins er tvítætt:
Að skapa vettvang þar sem einstaklingar geta nálgast víðtæka þjónustu á einum stað, þar sem t.d. er hægt að nálgast rafræn skjöl og meta hæfni sína. Nýja rammanum er ætlað að sameina á einn stað upplýsingar um Learning Opportunities and Qualifications in Europe Portal (Ploteus), EU skills Panorama og ESCO Portal.
Að stofna þjónustumiðstöðvar sem hafa það markmið að ná til sem allra flestra.

Með tillögunum er ætlunin að hvetja aðildarríkin til að samhæfa betur á landsvísu þá þjónustu sem snýr að þessum tækjum og gera hana aðgengilegri fyrir notendur á kerfisbundinn hátt. Notendahópurinn er breytilegur t.d. náms- og starfsráðgjafar, einstaklingar sem þurfa einstaklingsmiðaða náms- eða starfsráðgjöf og/eða einstaklingar sem ekki hafa aðgang að eða þá færni sem nauðsynleg er til að nota þessi tæki sjálfir á netinu.
Ef ákvörðunin tekur gildi þurfa aðildaríki meðal annars að tilnefna eina stofnun/einn aðila á landsvísu til að hafa yfirumsjón með innleiðingu Europass rammans (e. National Skills Coodination Point).

EFTA skrifstofan hefur fyllt út í eyðublað 1a þar sem hún tilgreinir fyrirstöðu við að innleiða reglugerðina í EES samninginn. Fyrirstaðan er sú að í gr. 9 í ákvörðuninni er vísað í reglugerð 2016/679 um protection of natural persons with regard to the processing of personal data and on the free movement of suce data sem hefur ekki enn verið tekin inn í EES-samninginn (er á Standard Sheet level) og í grein 7(3)(c) er vísað í reglugerð 2016/589 um EURES sem hefur ekki enn verið tekin inn í EES-samninginn (er á Standard Sheet level).

Óskað er eftir að EFTA ríkin fylli út í eyðublað 1b og sendi til EFTA skrifstofunnar í gegnum EEA registrar ([email protected]) með afrit á Jacqueline Breidlid ([email protected]) fyrir 18. nóvember.

Ísland hefur tekið þátt vinnu við flest þau tæki og tól sem tilgreind eru í tilmælunum. Umsýsla þessar verkfæra hefur aðallega verið í höndum Rannís en einnig MMS, HÍ og MRN.
Sjá heimasíður verkfæranna:
Euroguidance: http://www.erasmusplus.is/menntun/stodverkefni/euroguidance (Rannís)
Europass: http://europass.is/ (Rannís)
EQF national contcat point: Rannís
Ploteus: https://ec.europa.eu/ploteus/ (Menntamálastofnun)
EU Skills Panorama: http://skillspanorama.cedefop.europa.eu/en (Ísland ekki þátttakandi - CEDEFOP málefni hjá MRN, MMS og HÍ)
Youthpass: https://www.youthpass.eu/en/youthpass/ (SALTO)
ENIC/NARIC: http://www.enicnaric.is/ (HÍ)

Lagt er til að MRN taki undir mat EFTA skrifstofunnar og tilgreini sömu áskoranir (EEA Horizontal challenges) við innleiðingu nýju reglugerðarinnar í EES-samninginn og sendi eyðublað 1b sem allra fyrst.
Á síðari stigum þarf MRN að fara yfir hvernig innleiðingunni verður háttað hér á landi, koma fyrir verkefnum og skilgreina samhæfingaraðila á Íslandi.