32018D0743

IM-upplýsingakerfinu var komið á fót með reglugerð Evrópuþingsins og ráðsins (ESB) nr. 1024/2012 frá 25. október 2012 um samvinnu á sviði stjórnsýslu fyrir tilstilli upplýsingakerfisins fyrir innri markaðinn og niðurfellingu á ákvörðun framkvæmdastjórnarinnar 2008/49/EB („reglugerðin um IM-upplýsingakerfið“) . Kerfið var þróað af framkvæmdastjórn ESB í samvinnu við aðildarríki ESB til að aðstoða ríki við upplýsingaskipti sem mælt er fyrir um í hinum ýmsu gerðum ESB. Í almennu persónuverndarreglugerð ESB er mælt fyrir um samstarf milli eftirlitsstofnana annars vegar og eftirlitsstofnana, evrópska persónuverndarráðsins og framkvæmdastjórnarinnar hins vegar. Talið er að IM-upplýsingakerfið gæti reynst gagnlegt tæki við beitingu samstarfsákvæðanna í framkvæmd og er því lagt til með gerðinni að kerfið verði prófað í því skyni. Verkefnið nær til beitingu ákvæða 56. gr., 60.-66. gr og d-k liðar, m- og x-liðar 1. mgr. 70. gr. persónuverndarreglugerðarinnar. Í gerðinni er lýst nánar með hvaða hætti kerfið eigi að nýta og í hvaða tilgangi, sjá nánar í 3. og 4. gr. gerðarinnar.