32018D0853

Tilskipun 86/278/EBE
Sett er heimild fyrir framkvæmdastjórn ESB til að taka upp framseldar gerðir er varða tæknilegar og vísindalegar framfarir við sýnatöku og greiningar á seyru, sbr. viðauka II C. Um leið er ákvæði um sérstaka nefnd, um tæknilegar og vísindalegar framfarir, fellt brott.
Bætt er við ákvæði um að yfirlitsskýrslur aðildarlandanna um notkun seyru skuli vera gerðar á grundvelli leiðbeininga sem framvæmdastjórnin setur með sérstakri gerð.

Tilskipun 87/217/EBE
Felld eru brott ákvæði um að framkvæmdastjórn ESB skuli reglulega gera samanburðarmat á framkvæmd tilskipunarinnar í aðildarríkjunum.

Tilskipun 2003/87/EB og tilskipun 2009/31/EB
Í tilskipun 2003/87/EB og tilskipun 2009/31/EB er kveðið á um skyldu aðildarríkja til að leggja fram skýrslu um framkvæmd viðkomandi gerðar í viðkomandi ríki á grundvelli spurningalista og sniðmáta sem útbúin eru af hálfu framkvæmdastjórnarinnar í samræmi við málsmeðferðarreglur sem kveðið er á um í tilskipun 91/692/EBE. Til þess að koma í veg fyrir lagalegt tómarúm þegar tilskipun 91/692/EBE er felld úr gildi. Þá er í gerðinni sem hér er til greiningar lagt til að í stað þess framkvæmdastjórnin útbúi spurningalista og sniðmát í samræmi við þær málsmeðferðarreglur sem fram komu í tilskipun 91/692/EBE þá skuli það gert í samræmi við viðeigandi málsmeðferðarreglur sem vísað er til í hvorri tilskipun um sig sbr. 1. gr. og 1. tl. 1. mgr. 2. gr.
Þá er lagt til að málsmeðferðarreglum um breytingu á viðaukum við tilskipun 2009/31/EB verði breytt þannig að framkvæmdastjórnin hafi nú heimild til að samþykkja (e. adopt) framseldar gerðir (e. delegated acts) í samræmi við ákvæði 290. gr. sáttmálans um starfshætti Evrópusambandsins (e. Treaty on the Functioning of the European Union (TFEU)) og fyrri ákvæði um málsmeðferðarreglur vegna breytinga á viðaukum við tilskipunina felld á brott.

* Rétt er að benda á tilskipun 2009/31/EB um geymslu koldíoxíðs í jörðu hefur ekki verið að fullu innleidd hér á landi. Í ákvæði 32. gr. a í lögum nr. 70/2012 um loftslagsmál er lagt tímabundið bann við geymslu koldísoxíðs í jarðlögum á þann hátt sem tilskipunin mælir fyrir um. Bannið tekur þó ekki til verkefna í rannsóknar-, þróunar- eða prófunarskyni ef um er að ræða verkefni þar sem ætlunin er að geyma minna en samtals 100 kílótonn koldíoxíðs. Bannið átti því ekki að hafa áhrif á þau tilraunaverkefni sem hafa verið í gangi á þessu sviði á Hellisheiði sem kölluð er CarbFix Eða SulFix. Ákvæðið skyldi svo endurskoðað ekki seinna en árið 2020 og skipaði Umhverfis- og auðlindaráðuneytið nefnd sem ætlað var að vinna drög að regluverki sem mundi gilda til lengri tíma. Nefndin komst að þeirri niðurstöðu að ekki væri þörf að svo stöddu á setningu laga sem kveða á um niðurdælingu og geymslu CO2 í jarðlögum sem taka mið af ákvæðum tilskipunar 2009/31/EB. Þá benti nefndin á að teldi stjórnvöld þörf á setningu reglna um bindingu CO2 í jarðlögum (líkt og gert er í fyrr nefndum tilraunaverkefnum) sé hægt að horfa til laga nr. 57/1998 um rannsóknir og nýtingu á auðlindum í jörðu, þar sem um margt sambærilegar aðstæður er að ræða.

Reglugerð (ESB) nr. 1257/2013
Breytingar eru gerðar á orðalagi ákvæða sem varða reglubundnar skýrslur sem aðildarlöndin eiga að senda framkvæmdastjórn ESB um þau skip sem eru á leiðinni í endurvinnslu, um endurvinnslu skipa sem er lokið og þegar ólögleg endurvinnsla skipa hefur farið fram.

Tilskipun 94/63/EC
Felldur er út texti tilskipunarinnar þar sem sérstaklega er vísað til þess að skýrslugjöf um framkvæmd hennar skuli vera í samræmi við málsmeðferðina sem mælt er fyrir um í 5. gr. tilskipunar ráðsins 91/692/EBE. Umræddar vísanir voru ekki innleiddar sérstaklega við innleiðingu ákvæða 94/63/EB í reglugerð nr. 252/1999 um varnir við losun rokgjarnra lífrænna efnasambanda (VOC), við geymslu á bensíni og dreifingu þess frá birgðastöðvum til bensínstöðva.
Vakin er athygli á að reglugerð (ESB) nr. 1257/2013 hefur ekki verið tekin inn í EES-samninginn, sbr. staðalskjal. (Adopted act under scrutiny by EEA EFTA).