32018D1876

Almennt: Um er að ræða ákvörðun framkvæmdastjórnarinnar um samþykki á tækni sem notuð er í MELCO GXi hreyfirafal sem nýsköpunartækni í skilningi 12. gr. reglugerðar ESB nr. 510/2011.
Í reglugerð ESB nr. 510/2011 setur Evrópusambandið fram markmið sitt um að draga úr losun koltvísýrings frá léttum atvinnuökutækjum. Í 12. gr. gerðarinnar er framkvæmdastjórninni veitt heimild til að samþykkja nýsköpunartækni sem hefur í för með sér minnkun koltvísýringslosunar frá ökutækjum. Slíkt samþykki setur framkvæmdastjórnin fram með sérstakri ákvörðun í hvert sinn um tiltekna tækni sem sótt er um samþykki á.
Markmiðið er að draga úr losun koltvísýrings og er ákvörðunin hluti af samþættri stefnu Sambandsins um að draga úr losun koltvísýrings frá léttum ökutækjum sem notuð eru í atvinnuskyni.
Efnisútdráttur: Um er að ræða ákvörðun framkvæmdastjórnarinnar vegna umsóknar frá framleiðandanum Mitsubishi Electric Corporation (MELCO) um að tækni í MELCO GXi hreyfirafal fyrir ökutæki í flokki N1 sé samþykkt sem vistvæn nýsköpunartækni.
Í ákvörðuninni kemur fram að umsókn framleiðandans hafi verið metin í samræmi við 12. gr. reglugerðar nr. 510/2011/EB og sýni að viðmið sem þar um getur séu uppfyllt. Því þyki rétt að veita framleiðendum ökutækja möguleika á að sækja um vottun fyrir ökutæki með slíkan hreyfirafal til gerðarviðurkenningaryfirvalda í skilningi tilskipunar 2007/46/EB.
Umsögn, helstu breytingar, mati á umfangi, og áhrif hér á landi: Engin bílaframleiðsla á Íslandi eins og hefur ákvörðunin engin áhrif hér á landi eins og stendur. Kostnaður er metinn enginn enda ekki talin þörf á sérstakri innleiðingu.