32018L0131

Markmið sem að er stefnt: Markmiðið með tilskipuninni er að bæta vinnuskilyrði, heilsu, öryggi og félagslega vernd farmanna í sjóflutningum.
Aðdragandi og efnisleg breyting: Með tilskipun 2009/13/EB var innleiddur í lög Evrópusambandsins samningur Samtaka skipaeigenda í Evrópu (ECSA) og Sambands félaga flutningaverkamanna í Evrópu (ETF), frá árinu 2008. Samningurinn byggði á MLC 2006 samþykktinni. Maritime Labour Convention, eða MLC, er sáttmáli á vegum Alþjóða siglingamálastofnunarinnar, ILO. Með tilskipuninni voru reglur Evrópusambandsins aðlagaðar að sáttmálanum. Innleiddar voru reglur sem fólu í sér betri vernd og bætt starfsskilyrði fyrir farmenn en þau ákvæði sem áður giltu.
MLC-samþykktinni var breytt árið 2014. Þær breytingar snéru einkum að því að:
- koma á fjárhagslegu öryggiskerfi fyrir sjómenn í þeim tilvikum að útgerð sker einhliða á tengsl við farmenn í erlendum höfnum, e. abandonment, og því að;
- tryggja bótarétt sjómanna vegna samningsbundinna krafna vegna andláts eða langvarandi örorku þeirra vegna vinnuslysa og veikinda.
Í desember 2016 samþykktu aðilar vinnumarkaðarins breytingar á samningnum í þeim tilgangi að innleiða breytingarnar frá 2014 á MLC í löggjöf ESB.
Með tilskipuninni sem hér er til umfjöllunar, 2018/131, eru innleiddar ofangreindar breytingar á samningnum milli Samtaka skipaeigenda í Evrópu (ECSA) og Sambands félaga flutningaverkamanna í Evrópu (ETF) sem samþykktar voru þann 5. desember 2016. Þar með er tilskipun 2009/13/EB breytt í samræmi við breytingarnar á alþjóðasamþykkt ILO um vinnuskilyrði farmanna (MLC) frá 2014.
Breytingarnar eru settar fram í viðauka við tilskipunina. Aðildarríkin skulu hafa samþykkt nauðsynleg lög og stjórnsýslufyrirmæli til að fara að tilskipuninni eigi síðar en 16. febrúar 2020.
Umsögn: helstu breytingar, mati á umfangi, og áhrif hér á landi: Fellur undir innleiðingu á MLC. Vinna er í gangi við þá innleiðingu. Engar breytingar umfram innleiðingu MLC.
Lagastoð fyrir innleiðingu gerðar: Lagastoðin er í 4. mgr. 4. gr. a, 7. gr. a og 17. gr. laga nr. 76/2001 um áhafnir íslenskra farþegaskipa og flutningaskipa og í 8. gr. sjómannalaga nr. 35/1985. Rétt væri að reglugerðin yrði innleidd með breytingu á reglugerð nr. 680/2004 um vinnu- og hvíldartíma skipverja á farþegaskipum og flutningaskipum.
Mat eða tilgreining á kostnaði hins opinbera, sveitar-félaga og atvinnulífs og ALMENNINGS, ef einhver er: Kostnaður við innleiðingu þessarar reglugerðar er metinn óverulegur sem enginn.
Skörun við starfssvið annarra ráðuneyta: Tengsl við velferðarráðuneyti en ekki bein skörun.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.