32018L0350

Á Íslandi hefur verið sett reglugerð nr. 728/2011 um sleppingu eða dreifingu og markaðssetningu erfðabreyttra lífvera á grundvelli laga nr. 18/1996 um erfðabreyttar lífverur. Í viðaukum með reglugerðinni er farið yfir meginreglur við mat á umhverfisáhættu, upplýsingar sem krafist er í umsóknum og upplýsingar sem skal veita í umsóknum um sleppingu erfðabreyttra háplantna. Tilskipun 2001/18/EB segir til um kröfur um umhverfisáhættumat erfðabreyttra lífvera. Árið 2008 ákvað ráðið að þörf væri á að styrkja ákvæði um áhættumatið, sérlega þegar kemur að mati á langtímaáhættu á umhverfið. Árið 2010 innleiddi Matvæla-öryggisstofnun Evrópu (EFSA) leiðbeingar um umhverfisáhættu erfðabreyttra plantna. Tilskipunin nú byggir á þessum leiðbeiningum sem voru ekki bindandi. Um er að ræða innleiðingu á aðferðafræði áhættumats eins og leiðbeiningar gerðu ráð fyrir. Samræming er höfð varðandi leyfi fyrir markaðssetningu við reglugerð (EB) Nr. 1829/2003 um erfðabreytt matvæli og fóður, sem þyrfti að innleiða einnig á Íslandi.