32018L0645

Almennt: Um er að ræða tilskipun 2018/645 EB um breytingu á tveimur tilskipunum Evrópuþingsins og ráðsins
a) 2003/59/EB um grunnþjálfun og reglubundna þjálfun ökumanna tiltekinna ökutækja til vöru- eða farþegaflutninga. Tilskipunin var sett til að tryggja að ökumenn ríkja innan EES hefðu menntun og hæfi til að starfa við flutning í atvinnuskyni
b) 2006/126/EB um ökuskírteini.
Markmiðið er að auka öryggi í umferð, stuðla að vistvænum akstri, eyða lagalegri óvissu, auðvelda samstarf á milli ríkja, heimila fjölbreyttari þjálfunar og kennsluaðferðir og samnýtingu námskeiða, uppfæra færni - og þekkingarmarkmið um leið og samræmi í regluverki er aukið.
Innleiðingu í aðildarríkjunum skal lokið fyrir 23. maí 2020 (23. maí 2021 ný gr. 10a í tilskipun 2003/59/EB).
Aðdragandi: Báðar tilskipanir sem breytingatilskipunin varðar fjalla um kröfur til þjálfunar, hæfi og skírteini ökumanna.
Í ljósi reynslu sem fengist hefur eru með breytingatilskipuninni tekin ákveðin skref til bæta úr ákveðnum annmörkum:
2003/59/EB:
• skilgreiningar á undanþágum hafa þótt óljósar
• námsefni hefur að hluta ekki gagnast ökumönnum né þjónað markmiðum
• fjarkennsla hefur ekki verið heimil
• ekki hefur verið hægt að samnýta nám sem gerð er krafa um skv. mismunandi regluverki (hættulegur farmur o.fl.)
• erfiðleikar hafa verið með viðurkenningu á námi á milli ríkja
2006/126/EB:
• aldurskröfur
• akstur þyngri fólksbifreiða en 3.500 kg.
Efnisútdráttur: Breytingarnar eru eftirfarandi:
Á tilskipun 2003/59/EB:
• Í 2. gr. um undanþágur er orðalagi breytt í því skyni að gera það skýrara og í samræmi við undanþágur í reglugerð nr. 561/2006/EB
• 7. gr. er breytt á þann veg að vægi umfjöllunar í endurmenntun um þætti er lúta að umferðaröryggi og vistvænum akstri er aukið. Ennfremur tiltekið að fjarkennsla sé heimil að hluta.
• 10. gr. er gerð breyting til að tryggja að tákntalan 95 tengist beint ökuréttindaflokki (C1-, C-, D1- og D-). Gerð er krafa um að gefið sé út starfshæfnisvottorð (CPC) í þeim tilvikum sem ekki er hægt að setja tákntöluna 95 í skírteini ökumanns. Tilgreint er að ökumenn sem fullnægja skilyrðum um endurmenntun skv. gildandi reglum teljast fullnægja þeim eftir gildistöku þessarar tilskipunar.
• Ný gr. 10a bætist við. Í henni er gerð krafa um að ríki skiptist á upplýsingum um starfshæfnisvottorð og komi í þeim tilgangi upp rafrænum gagnagrunni með nauðsynlegum upplýsingum um útgefin og ógild starfshæfnisvottorð. Unnið skal að sameiginlegu upplýsingakerfi.
• Viðauki I og II skal uppfæra í samræmi við viðauka tilskipunarinnar.
Á tilskipun 2006/126/EB::
• Breytingar eru gerðar á 4. gr. á aldurskröfum til samræmis við aldurskröfur í 2003/59/EB
• Nýr liður bætist við gr. 6.4 sem gerir ríkjum kleift að heimila akstur bifreiða sem eru að leyfðri heildarþyngd 4.250 kg eða minna á grundvelli ökuskírteinis í B-flokki, sem viðkomandi hefur öðlast minnst tveim árum áður, háð því að þyngd umfram 3.500 kg sé tilkomin vegna annars orkugjafa en jarðeldsneytis.
• Á 15. gr. eru gerðar breytingar sem fela í sér kröfu um að ríki noti sameiginlegt upplýsinganet um ökuréttindi þegar það er tilbúið.
Umsögn, helstu breytingar, mati á umfangi, og áhrif hér á landi: Tákntalan 95 skal koma í línu viðeigandi réttindaflokks í ökuskírteini (breyting á framsetningu frá því sem nú er). Unnt verður að meta ákveðið nám sem gerð er krafa um skv. öðrum reglum inn í nám vegna endurmenntunar. Skýrari heimildir til að veita undanþágu frá kröfum um endurmenntun. Eftir á að skilgreina nánar sektir og viðurlög við brotum gegn reglum um endurmenntun.
Mat eða tilgreining á kostnaði: Kostnaður við innleiðingu þessarar reglugerðar er metinn óverulegur sem enginn.
Skörun við starfssvið annarra ráðuneyta: Tengsl við dómsmálaráðuneyti (útgáfa ökuskírteina).
Tilgreining á hagsmunaaðilum: Ökumenn stórra ökutækja, flutningafyrirtæki og námskeiðshaldarar.
Lagastoð. Gera þarf breytingu á umferðarlögum: Í viðauka I við gerðina eru lagðar hömlur á það hve fjarnám má vera stór hluti endurmenntunar ökumanna. Samkvæmt þeirri tilskipun sem áður gilti, tilskipun 2003/59, voru ekki lagðar hömlur á þetta atriði. Því hefur það ekki verið gert hér. Verði af því að svo verði mun það gera nemendum utan höfuðborgarsvæðisins erfitt um vik að sækja sér endurmenntun. Í gerðinni er hámark fjarnáms 12 stundir en miðað hefur verið við 35 stundir hér á landi. Verði þetta að veruleika og Ísland fær ekki aðlögunartexta þarf að breyta 58. gr. umferðarlaga nr. 77/2019.