32018R0213

Gerðin varðar breytingar á reglugerð (ESB) nr. 10/2011 um efnivið og hluti úr plasti sem ætlað er að komast í snertingu við matvæli.
Reglugerð 10/2011 setur sérstakar reglur um plast sem ætlað er til snertingar við matvæli. Reglugerðinni fylgir skrá Evrópusambandsins yfir efni sem leyfilegt er að nota við framleiðslu á plasti.

Í reglugerð 2018/213 er kveðið á um eftirfarandi breytingar á rg. 10/2011:

1. Breyting á sértækum flæðimörkum (SML) fyrir bisfenól A (BPA) í plasti. Flæðimörk fyrir BFA eru lækkuð úr 0,6 mg/kg matvæli í 0,05 mg/kg matvæla.
2. Nýtt ákvæði - sett eru flæðimörk fyrir BPA úr lökkum og yfirborðsmeðhöndlunarefnum sem ætlað er að komast í snertingu við matvæli, t.d. lakk á niðursuðudósum. Sértæk flæðimörk eru 0,05 mg/kg matvæla.
3. Nýtt ákvæði - BPA skal ekki flæða frá lakki og yfirborðsmeðhöndlunarefnum matvælasnertiefna sem ætlað er börnum og ungbörnum, eins og skilgreint er í reglugerð (ESB) nr. 609/2013.
BPA er notað sem einliða í framleiðslu á polycarbonat plasti og í lökk og yfirborðsmeðhöndlunarefni sem notuð eru m.a. inni í niðursuðudósir. EFSA hefur nokkrum sinnum gert áhættumat á BPA. EFSA hefur nú endurskoðað áhættumatið og gefið út nýtt viðmiðunargildi fyrir þolanlega daglega inntöku (TDI) á bisfenol A.
Ný sértæk flæðimörk (SML) eru sett í samræmi við þetta gildi og einnig er tekið tillit til að BPA getur borist eftir öðrum leiðum en frá matvælasnertiefnum, s.s. hitanæmum pappír (kassastrimlum). Því hefur verið ákveðið að einungis 20% af TDI megi koma frá matvælasnertiefnum.
Bisfenol A er í dag bannað að nota í pela sem gerðir eru úr polycarbonat plasti. Þetta er gert í samræmi við varrúðarregluna.
Af sömu ástæðu hefur nú verið ákveðið að þetta bann gildi einnig um flæði á BPA frá lökkum og yfirborðsmeðhöndlunarefnum sem notuð eru í matvælasnertiefni sem er ætlað börnum.