32018R0258

Almennt: Um er að ræða framkvæmdarreglugerð um breytingu á reglugerð (EB) nr. 725/2011 í þeim tilgangi að laga hana að breytingum á lögboðinni prófunaraðferð og til að einfalda stjórnsýslumeðferð við umsókn og vottun.
Reglugerðin kveður á um að heimilt sé til 31. desember 2019 að leggja fram umsókn um samþykki á nýsköpunartækni sem vistvænni prófunaraðferð með vísan til NEDC prófunaraðferðarinnar. Frá gildistöku reglugerðarinnar skal leggja fram slíkar umsóknir með vísan til WLTP.
Efnisútdráttur: Ný lögboðin prófunaraðferð WLTP til mælinga á koltvísýringslosun og eldsneytisnotkun léttra ökutækja, sem fram kemur í reglugerð (EB) 2017/1151, var samþykkt af Framkvæmdastjórn ESB 1. júní 2017. WLTP kemur í stað eldri prófunaraðferðar NEDC sem fram kemur í XII. viðauka við reglugerð (EB) nr. 692/2008.
Frá og með árinu 2021 skal sannreyna að farið sé að markmiðum um losun koltvísýrings, sem fram koma í reglugerð EB nr. 443/2009, samkvæmt WLTP aðferðinni. Frá þeim tíma skal einnig ákvarða koltvísýringssparnað með notkun á nýsköpunartækni með samkvæmt WLTP.
Til að endurspegla breytingar á prófunarkerfinu og tryggja að tekið verði tillit til málmeðferðarinnar við að samræma WLTP koltvísýringsgildin til samræmis við NECD koltvísýringsgildin sem fram koma í reglugerð EB nr. 2017/1153 er nauðsynlegt að breyta framkvæmdareglugerð (EB) nr. 725/2011.
Til að tryggja sem best breytinguna frá NECD í WLTP skal vera hægt að leggja fram umsókn um samþykki á vistvænni nýsköpunartækni sem umhverfisvænni á grundvelli NECD aðferðar til 31. desember 2019. En frá gildistöku þessarar reglugerðar á grundvelli WLTP prófunaraðferðarinnar.
Með því að lækka sparnaðarþröskuldinn í 0,5g af koltvísýringi á klukkutíma er líklegt til að stuðla verði að víðtækari dreifingu á nýjungum sem geta dregið úr kolstvísýringslosun. Rétt er að samræma breytinguna á sparnaðarþröskuldinum með innleiðingu WLTP og því ætti nýji þröskuldurinn að gilda fyrir umsóknir gerðar með vísan til WLTP.
Tækni sem hefur víða verið til staðar á markaðnum getur ekki talist vistvæn nýsköpunartækni í skilningi 12. gr. reglugerðar EB nr. 443/2009 og er því ekki hæf sem slík. Því þarf að breyta viðmiðunarárinu 2009 í hreyfanlegt viðmiðunarár (dynamic reference year) og skal það gilda fyrir umsóknir um vistvæna nýsköpun sem lagðar eru fram eftir 1. janúar 2020.
Umsögn: Engir framleiðendur ökutækja eru á Íslandi og hefur reglugerðin því lítil sem engin áhrif hér á landi eins og stendur. Kostnaður við innleiðingu þessarar reglugerðar er metinn óverulegur sem enginn.