32018R0259

Almenn: Um er að ræða framkvæmdareglugerð um breytingu á reglugerð ESB nr. 427/2014. Breytingin felur einkum í sér að umsóknir um vistvæna nýsköpun sem umhverfisvænni verður hægt að leggja fram með vísan til NECD prófunaraðferðarinnar til 31. desember 2019. Frá 1. janúar 2020 skal vísa til nýrrar prófunarðaferðar WLTP í slíkum umsóknum. Með þessu eru tekin tiltekin skref til að ná markmiðum reglugerðar EB nr. 510/2011 um að draga úr losun koltvísýrings frá léttum ökutækjum.
Efnisútdráttur: Ný lögboðin prófunaraðferð WLTP til mælinga á koltvísýringslosun og eldsneytislosun léttra ökutækja, sem fram kemur í reglugerð EB nr. 2017/1151 var samþykkt af Framkvæmdastjórn ESB 1. júní 2017. WLTP kemur í stað eldri prófunaraðferðar NECD sem fram kemur í XII. viðauka við reglugerð nr. 692/2008.
Frá og með árinu 2021 skal sannreyna að farið sé að markmiðum um losun koltvísýrings, sem fram koma í reglugerð EB nr. 510/2011, samkvæmt WLTP aðferðinni. Frá þeim tíma skal einnig ákvarða koltvísýringssparnað með notkun á nýsköpunartækni samkvæmt WLTP.
Til að endurspegla breytingar á prófunarkerfinu og tryggja að tekið verði tillit til málsmeðferðarinnar við að samræma WLTP gildin við NECD koltvísýringsgildi sem fram koma í reglugerð EB nr. 2017/1153 er nauðsynlegt að breyta reglugerð EB nr. 427/2014.
Til að tryggja sem best breytinguna frá NECD í WLTP skal vera hægt að leggja fram umsókn um vistvæna nýsköpun sem umhverfisvænni með vísan til NECD til 31. desember 2019 en með vísan til WLTP frá gildistöku þessarar reglugerðar.
Það að lækka sparnaðarþröskuldinn í 0,5g af koltvísýringi á klukkutíma er líklegt til að stuðla að víðtækari dreifingu á nýjungum sem geta dregið úr kolstvísýringslosun. Rétt er að samræma breytinguna á sparnaðarþröskuldinum með innleiðingu WLTP og því ætti nýji þröskuldurinn að gilda fyrir umsóknir gerðar með vísan til WLTP.
Tækni sem hefur víða verið til staðar á markaðnum getur ekki talist vistvæn nýsköpunartækni í skilningi 12. gr. reglugerðar EB nr. 510/2011 og er því ekki hæf sem slík. Því þarf að breyta viðmiðunarárinu 2009 í breytilegt viðmiðunarár (dynamic reference year) og skal það gilda fyrir umsóknir um vistvæna nýsköpun sem lagðar eru fram eftir 1. janúar 2020.
Umsögn: Engir framleiðendur ökutækja eru á Íslandi og hefur reglugerðin því lítil sem engin áhrif hér á landi eins og stendur. Kostnaður við innleiðingu þessarar reglugerðar er metinn óverulegur sem enginn.