32018R0401

Í viðauka I við reglugerð (ESB) nr. 139/2014 er sett fram skilgreining á blindflugsbraut (instrument runway).
Með breytingu 11-B á viðauka 14 Alþjóðaflugmálastjórnarinnar (ICAO) sem fjallar um flugvelli hefur skilgreining á flugbraut verið sett fram á einfaldari og hnitmiðaðri hátt þar sem vísað er til aðflugs þar sem notuð er hæfisbundin leiðsaga.
Hæfisbundin leiðsaga er flugleiðsöguþjónusta sem byggir á kröfum um hæfni fyrir loftför á flugleið, í blindaðflugi eða í tilteknu loftrými. Með öðrum orðum eru gerðar sérstakar reglur um hvernig beri að fljúga til og frá tilteknum flugvöllum og eftir tilteknum flugleiðum með hliðsjón af aðstæðum. Við hæfisbundna leiðsögu er notuð gervihnattaleiðsaga og flugþjónustuleiðir sem hannaðar eru með slíka leiðsögu í huga og birtar í flugmálahandbók.
Drögin byggjast á áliti EASA nefndarinnar Nr. 3/2016.
Tilgangur þeirrar breytingar sem hér um ræðir er að aðlaga reglugerðarumhverfið að þeirri tækniþróun sem orðið hefur með tilkomu hæfisbundinnar leiðsögu.
Þannig er nú ekki lengur fjallað um beint aðflug (straight in approach) í skilgreiningu á grunnaðflugsbraut (non-precision approach runway) heldur snýr skilgreiningin einungis að lágmarksákvörðunarhæð.
Samgöngustofa telur að þessi breyting á skilgreiningu geti haft í för með sér minni kostnað fyrir rekstraraðila flugvallar (Isavia) en Samgöngustofa hefur ekki haft samráð við Isavia sérstaklega.
Mat á kostnaði: Uppfæra þarf þjálfunarhandbækur og verkferla hjá Samgöngustofu í tengslum við eftirlit.
Mat á kostnaði Isavia liggur ekki fyrir.