32018R0460

Drögin varða reglugerð (ESB) nr. 2015/2283 um markaðssetningu og notkun á nýfæði innan Evrópusambandsins. Í samræmi við 8. gr. þeirrar reglugerðar og með framkvæmdareglugerð 2017/22383 var komið á fót lista sambandsins yfir leyfilegt nýfæði.

Fyrirtækið Botamedi Inc sótti um leyfi, til að markaðssetja flórótannín (phlorotannin) unnin úr sjávarþörungnum Ecklonia cava sem nýfæði, til Matvælaöryggisstofnunar Írlands 14. maí 2015. Umsóknin var byggð á eldri reglugerð um nýfæði nr. 258/97, sem nú hefur verið skipt út fyrir reglugerð 2015/2283. Í umsókninni var óskað eftir að fá að nota flórótannín í fæðubótarefni til almennrar notkunar, en þó ekki fyrir börn yngri en 12 ára.

Þar sem málsmeðferðin hjá hjá írsku matvælaöryggisstofnuninni og Matvælaöryggisstofnun Evrópu (EFSA) tafðist vegna þess að afla þurfti nýrra gagna um öryggi efnisins, var endanlegur úrskurður EFSA ekki birtur fyrr en 20. september 2017. Þó álitið sé byggt á eldri reglugerð telst það vera í samræmi við reglugerð 2015/2283.

Í áliti EFSA kemur fram að joðmagn í fæðubótarefnum sem innihalda flórótannín úr Ecklonia cava gætu verið varsöm fyrir fólk með skjaldkirtilssjúkdóma. Jafnframt kemur fram í álitinu að þeir sem neyta efnisins og taka jafnframt önnur fæðubótarefni sem innihalda joð eiga á hættu að fara yfir þau hámarksmörk sem gefin eru fyrir joð. Því ber að merkja fæðubótarefni með þessum flórótannínum í samræmi við það.

Flórótannínum úr Ecklonia cava skal því bætt á lista yfir leyfilegt nýfæði til markaðssetningar í Evrópusambandinu með þeim skilyrðum sem fram koma í þessum drögum og í viðauka með þeim.