32018R0773

Markmiðið með gerðinni er að auka öryggi í siglingum sem fæst með því að setja fram kröfur um hönnun, framleiðslu,virkni og prófunarstaðla skipsbúnaðar.
Í tilskipun nr. 2014/90 um skipsbúnað er framkvæmdastjórninni falið að tilgreina, með framkvæmdarreglugerðum, þær kröfur sem gilda um hönnun, framleiðslu, virkni og prófunarstaðla skipsbúnaðar.
Með þessari framkvæmdarreglugerð er viðauki við tilskipunina uppfærður í samræmi við nýlega þróun.
- Settar eru fram kröfur til skipsbúnaðar sem fellur undir tilskipunina.
- Framkvæmdarreglugerð ESB nr. 2017/306 um sama efni er felld úr gildi
- Aðildarríkjum er heimilt að setja á markað skipsbúnað sem uppfyllir kröfur samkvæmt framangreindri framkvæmdarreglugerð ESB nr. 2017/306 til 16. mars 2020.
Um er að ræða staðla og reglur IMO þar sem við á, e. international conventions and relevant resolutions and circulars of IMO, fyrir skipsbúnað sem heimilt er að setja á markað í aðildarríkjum ESB/EES. Staðlarnir og reglurnar eru uppfærðar reglulega. Gerðin á við skipsbúnað sem settur er á markað hér á landi. Gerðin felur þó ekki í sér teljandi breytingar. Hér á landi er ekki framleiddur skipsbúnaður sem þessi reglugerðarbreyting tekur til. Breytingin hefur því aðeins óbein áhrif.
Enginn umframkostnaður hlýst af gildistökugerðarinnar og innleiðingu hennar hér á landi. Helstu hagsmunaaðilar væru útgerðir íslenskra skipa.