32018R0828

Almennt: Í reglugerð 2015/68/EB eru settar fram tæknikröfur um hemlun ökutækja vegna viðurkenningar á ökutækjum fyrir landbúnað og skógrækt. Reglugerðin tekur til framleiðenda og þeirra sem prófa landbúnaðarökutæki.
Með reglugerð þessari eru settar fram breytingar á reglugerð 2015/68/EB. Breytingin er sú að krafa um að dráttarvélar sem hannaðar eru fyrir hámarkshraða milli 40 km/klst. og 60 km/klst. verði búnar ABS-hemlakerfi, þ.e. læsivörðu hemlakerfi, frá 1. janúar 2010 verði tekin út úr reglugerðinni.
Reglugerðin felur einnig í sér breytingu á kröfum um einnar leiðslu vökvatengi í hemlabúnaði og hemlatengjum eftirvagna. Framleiðendur ökutækja skulu ekki setja einnar leiðslu vökvatengi í nýjar gerðir ökutækja eftir 31. desember 2024.
Aðdragandi: Í reglugerð 2015/68/EB um viðbætur við reglugerð Evrópuþingsins og ráðsins (ESB) nr. 167/2013 að því er varðar kröfur um hemlun ökutækja vegna viðurkenningar á ökutækjum fyrir landbúnað og skógrækt, eru settar fram tæknilegar kröfur sem gerðar eru til hemlabúnaðar landbúnaðarökutækja með gerðarviðurkenningum ásamt tæknilegum kröfum sem gerðar eru til prófana á þeim.
Í 6. inngangslið reglugerðarinnar er gert ráð fyrir að framkvæmdastjórnin meti kröfu um að dráttarvélar sem hannaðar eru fyrir hámarkshraða milli 40 km/klst og 60/km/klst. verði búnar læsivörðu hemlakerfi (ABS) frá og með 1. janúar 2020.
Að framkvæmdu slíku mati komst framkvæmdastjórnin að þeirri niðurstöðu að fjarlægja skyldi úr reglugerðinni kröfu um ABS-hemlakerfi fyrir þessi ökutæki. Þannig yrði komist hjá óhóflegum fjármagnskostnaði fyrir iðnaðinn og notendur og óþarfa töfum á skilvirkni tækniþróunar á bremsum.
Umsögn: Engir framleiðendur ökutækja eru á Íslandi eins og er og hefur reglugerðin því lítil sem engin áhrif hér á landi eins og stendur.
Kostnaður við innleiðingu þessarar reglugerðar er metinn óverulegur sem enginn.