32018R0985

Markmið: Markmiðið með reglugerðinni er að ná árangri í umhverfismálum. Hluti af þeirri stefnu Evrópusambandsins er að ökutæki í landbúnaði og skógrækt verði sem hreinust umhverfislega séð. Þar er átt við ökutæki sem nýta vel orku þannig að losun gróðurhúsalofttegunda frá þeim verður í lágmarki. Með reglugerðinni eru settar fram nákvæmar tæknilegar kröfur sem uppfylla þarf til að fá gerðarviðurkenningu fyrir landbúnar- og skógræktartæki hvað snertir umhverfisáhrif af notkun þeirra, þar með talið hve mikið hljóð má koma frá þeim.
Aðdragandi: Reglugerðin er til fyllingar reglugerðar 167/2013/EB en með henni var felld úr gildi reglugerð 2015/96/EB. Með henni var komið á fót nýju regluverki í kringum landbúnaðarökutæki. Þessi reglugerð er ein af mörgum gerðum sem settar eru til fyllingar reglugerðar nr. 167/2013 í þeim tilgangi að reglur verði sem fullkomnastar og skili sem mestum árangri.
Efnisútdráttur: Efni reglugerðarinnar eru tæknilegar kröfur og reglur um gerðarviðurkenningar ökutækja í landbúnaði og skógrækt. Með reglugerðinni eru kynntar kröfur V. stigs áfanga um losun mengandi efna vegna gerðarviðurkenninga á landbúnaðar- og skógræktartækjum í samræmi við kröfur í reglugerð (ESB) 2016/1628.
Ákvæði V. stigs áfanga um losun mengandi efna koma fram í reglugerð nr. 2015/96/EB. Þau ákvæði sem varða gerðarviðurkenningar og markaðssetningu dráttarvéla, eiga aðeins að gilda til þess dags er reglugerð 2016/1628/EB kemur til framkvæmdar. Því skal reglugerð 2015/96/EB felld úr gildi frá gildistöku þessarar reglugerðar.
Umsögn: Engir framleiðendur ökutækja á Íslandi eins og er og hefur reglugerðin því lítil sem engin áhrif hér á landi eins og stendur. Kostnaður við innleiðingu þessarar reglugerðar er metinn óverulegur sem enginn. Tengsl við umhverfisráðuneyti en ekki bein skörun.