32018R1003

Markmið: Markmið gerðarinnar er að endurspegla breytingar á lögbundinni prófunaraðferð vegna mælinga á sértækri losun koltvísýrings frá léttum atvinnuökutækjum. Því er breytt reglugerð ESB 2017/1152 og þar með skýra og einfalda fylgniaðferð sem í þeirri reglugerð er og aðlaga hana að breytingum á reglugerð ESB 2017/1151.
Efnisútdráttur: Í reglugerðinni er kveðið á um að breyta skuli I. viðauka við reglugerð ESB 2017/1152 til samræmis við viðauka með þessari gerð.
Breytingarnar eru gerðar í ljósi reynslu af framkvæmd reglugerða ESB 2017/1151 og 2017/1152 og snúa að breytingu á aðferð við að skilgreina endapunkt brúunarlínu sem notuð er til að reikna út NECD-koltvísýringsgildi einstakra ökutækja. Endapunktarnir, sem eru fengnir með prófunarbifreið með hæsta losunargildi og prófunarbifreið með lægsta gildi, skulu skilgreindir þannig að mismunur milli þessara tveggja prófunarökutækja jafngildi 5g CO2/km eða hærra.
Í reglugerðinni er kveðið á um einföldun á útreikningi NECD-koltvísýringsgilda ökutækja sem tilheyra ökumótsstöðufylkjahópi, e. road load matrix familie, samkvæmt reglugerð ESB 2017/1151 með því að leiða þann ökumótsstuðul, road load coefficient, sem notaður er við útreikning á NECD-gildum út frá ökumótsstuðli einstakra ökutækja samkvæmt reglugerð ESB 2017/1151.
Að því er varðar ókláruð ökutæki í flokki N1skal taka tillit til breytinga á viðauka XII við reglugerð ESB 2017/1151 við ákvörðun ökumótsstöðustuðla sem nota skal við innslátt í fylgnitól, e. correlation tool.
Þá eru með reglugerðinni gerðar breytingar sem einfalda útreikning á losunargildum og losunarmörkum auk þess sem ritstjórnarvillur eru leiðréttar.
Umsögn, helstu breytingar, mati á umfangi, og áhrif hér á landi: Engir framleiðendur ökutækja eru á Íslandi og hefur gerðin því lítil sem engin áhrif hér á landi eins og stendur. Kostnaður við innleiðingu þessarar reglugerðar er metinn óverulegur sem enginn.