32018R1011

Gerðin varðar reglugerð (ESB) nr. 2015/2283 um markaðssetningu og notkun á nýfæði innan Evrópusambandsins. Í samræmi við 8. gr. þeirrar reglugerðar og með framkvæmdareglugerð 2017/2470 var komið á fót lista sambandsins yfir leyfilegt nýfæði.

Fyrirtækin Banken Champignons Groep B.V. og J.K. Holding B.V. sóttu um leyfi til Matvælaöryggisstofnunar Hollands þann 23. Júlí 2014 til markaðssetningar á sveppum (Agaricus bisporus) meðhöndluðum með útfjólubláu ljósi og með aukið innihald af D2 vítamíni sem nýfæði á markaði í Evrópusambandinu. Umsóknin er byggð á reglugerð (EB) nr. 258/97.

Þegar framkvæmdareglugerð (ESB) 2017/2470 tók gildi, 1. janúar 2018, varð þetta leyfi almennt og ekki bundið við fyrrgreinda umsækjendur.

Samkvæmt 35. gr. reglugerðar (ESB) 2015/2283 skulu umsóknir um leyfi fyrir nýfæði sem eru byggðar á 4. gr. reglugerðar (ESB) 258/97 og ekki hefur verið tekin ákvörðun um fyrir 1. janúar 2018 meðhöndlaðar í samræmi við reglugerð 2015/2283.

Mat Hollensku matvælaöryggisstofnunarinnar var að sveppir meðhöndlaðir með útfjólubláu ljósi til að auka innihald D2 vítamíns uppfyllti kröfur sem gerðar eru til nýfæðis í grein 3(1) í reglugerð (ESB) nr. 258/97.

Samkvæmt viðauka VI við reglugerð (ESB) nr. 1169/2011, um miðlun upplýsinga um matvæli til neytenda, skal heiti matvælanna innihalda eða því skulu fylgja upplýsingar um ástand matvælanna eða þá meðhöndlun sem þau hafa hlotið, þegar það að sleppa slíkum upplýsingum getur villt um fyrir neytendum. Þar sem neytendur myndu, að öllu jöfnu, ekki gera ráð fyrir að sveppir hafi verið meðhöndlaðir með útfjólubláu ljósi, skulu þessar upplýsingar koma fram í nafni vörunnar.

Færslu, um sveppi sem eru meðhöndlaðir með útfjólubláu ljósi, á lista sambandsins yfir leyfilegt nýfæði, skal breytt í samræmi við viðauka við þessa reglugerð og með þeim skilyrðum sem þar koma fram.