32018R1018

Gerðin varðar reglugerð (ESB) nr. 2015/2283 um markaðssetningu og notkun á nýfæði innan Evrópusambandsins og framkvæmdareglugerð 2017/2470 sem kveður á um lista Sambandsins yfir leyfilegt nýfæði.

Framkvæmdastjórnin gaf út framkvæmdarákvörðun 2014/396/ESB, í samræmi við reglugerð (EB) nr. 258/97 um leyfi fyrir markaðssetningu á gersveppum (Saccharomyces cerevisiae) sem eru meðhöndlaðir með útfjólubláu ljósi, sem nýfæði. Gersveppina má nota í tiltekin matvæli, þ.m.t. ger-hefað brauð og bollur, ger-hefað fínt kaffibrauð og fæðubótarefni.
Sótt um leyfi til Matvælaöryggisstofnunar Danmerkur fyrir aukinni og breyttri notkun. Sótt um leyfi til að fá að nota gerið í fleiri tegundir matvæla, þ.e. pakkað ferskt og þurrkað ger til heimilisnotkunar. Einnig var sótt notkun í fæðubótarefni án þess að tilgreina hámarksmagn af D2 vítamíni.

Loks var sótt um að fá að breyta skilyrðum um magn af D2 vítamíni í forskrift fyrir vöruna. Lægri mörk lækka úr 1 800 000 alþjóðlegum einingum (450 μg/g) í 800 000 AE (200 μg/g).
Samkvæmt 35. gr. reglugerðar (ESB) 2015/2283 skulu umsóknir um leyfi fyrir nýfæði sem eru byggðar á 4. gr. reglugerðar (ESB) 258/97 og ekki hefur verið tekin ákvörðun um fyrir 1. janúar 2018 meðhöndlaðar í samræmi við reglugerð 2015/2283.

Niðurstaða dönsku matvælaöryggisstofnunarinnar Danmerkur fyrir aukinni og breyttri notkun var að hún uppfyllti kröfur sem gerðar eru til nýfæðis í grein 3(1) í reglugerð (ESB) nr. 258/97. Framkvæmdastjórnin sendi álit matvælaöryggisstofnunarinnar til ríkja sambandsins og var umsóknin samþykkt.

Samkvæmt viðauka VI við reglugerð (ESB) nr. 1169/2011, um miðlun upplýsinga um matvæli til neytenda, skal heiti matvælanna innihalda eða því skulu fylgja upplýsingar um ástand matvælanna eða þá meðhöndlun sem þau hafa hlotið, þegar það að sleppa slíkum upplýsingum getur villt um fyrir neytendum. Þar sem neytendur myndu, að öllu jöfnu, ekki gera ráð fyrir að sveppir hafi verið meðhöndlaðir með útfjólubláu ljósi, skulu þessar upplýsingar koma fram í nafni vörunnar.