32018R1023

Gerðin varðar reglugerð (ESB) nr. 2015/2283 um markaðssetningu og notkun á nýfæði innan Evrópusambandsins og framkvæmdareglugerð 2017/2470 sem kveður á um lista Sambandsins yfir leyfilegt nýfæði.

Samkvæmt reglugerð 2015/2283 taka ákvæði hennar gildi 1. janúar 2018. Nokkrar gerðir nýfæðis voru leyfðar eða tilkynntar á markað á því tímabili sem leið frá því að listi Sambandsins yfir leyfilegt nýfæði var samþykktur 6. desember 2017 og þar til ákvæði reglugerðar 2015/2283 tóku gildi 1. janúar 2018. Þetta nýfæði þarf því að færa inn á lista Sambandsins.

Hér að neðan er upptalning á þeim tegundum nýfæðis sem veitt var leyfi fyrir eða voru tilkynnt á markað á ofangreindu tímabili:

Útdráttur úr Echinacea purpurea frumurækt.
2'-Fúkósyllaktósi af örveruupprunna.
Trehalósi úr súkrósa.

Eftir að framkvæmdareglugerð (ESB) 2017/2470 var birt komu í ljós villur og að ýmislegt vantaði varðandi nákvæmar skilgreiningar eða skilyrði fyrir notkun nýfæðisins. Því þarf að leiðrétta lista Sambandsins sem er í viðauka við framkvæmdareglugerð 2017/2470. Leiðrétta þarf skráningar fyrir eftirfarandi nýfæði í viðauka við reglugerð 2017/2470:

L-Alanyl-L-Glutamine,
Glucosamine HCl,
Laktó-N-neotetraósi,
Útdráttur úr hveitikími, auðug af spermidíni,
Olía úr suðurhafsljósátu (Euphausia superba),
Olía úr suðurhafsljósátu (Euphausia superba) auðug af fosfólípíðum,
Chiafræ (Salvia hispanica),
Kítósanútdráttur úr sveppum (Agaricus bisporus; Aspergillus niger),
Sítikólín,
Útdráttur úr frumurækt (Echinacea angustifolia),
Galaktó-oligosakkarið,
Vitamín K2 (menaquinone),
Beta-glúkan úr geri,
Plöntusteról/plöntustanól,
Olía úr sveppnum Mortierella alpina sem er auðug af arakídónsýru,
Epígallókatekín gallat sem er hreinsaður útdráttur úr grænum telaufum (Camellia sinensis) og
Lýkópen úr tómötum.

Að auki eru innsláttarvillur sem þarf að leiðrétta.

Í ljósi þess hversu umfangsmiklar breytingar þarf að gera er öllum viðaukanum skipt út fyrir nýjan viðauka sem fylgir með þessari reglugerð.