32018R1065

Almennt: Með reglugerðinni er verið að breyta reglugerð 1178/2011. Helstu breytingarnar eru um fullgildingu skírteina skv. samningi milli ríkja. Þá eru gerðar breytingar á kröfum um fjölda lendinga í þjálfun fyrir fjölstjórnarskírteini (MPL).
Efnisútdráttur: Breytingar sem gerðar eru á reglugerð 1178/2011 eru tvenns konar.
Gagnkvæmt viðurkenning skírteina: Í reglugerð framkvæmdastjórnarinnar (ESB) nr. 1178/2011 er m.a. kveðið á um tæknilegar kröfur fyrir vottun flugmanna sem fást við starfrækslu tiltekinna loftfara.
Kröfur Alþjóðaflugmálastofnunarinnar (ICAO Annex 1) kveða á um að flugmaður þurfi að hafa skírteini útgefið í sama ríki og loftfarið sem hann flýgur er skráð eða að ríkið þar sem loftfarið er skráð gefi út fullgildingu, e. Validation, á skírteinið þ.a. það megi nota á loftförum skráningarríkis.
Í Evrópu hefur í rúm 15 ár verið í gildi gagnkvæm viðurkenning á flugsskírteinum án þess að krafa hafi verið gerð um fullgildingu. Þessi gagnkvæma viðurkenning hefur í nokkrum tilvikum valdið vandræðum vegna flugs í ríkjum utan Evrópusambandsins. Það hefur verið vegna þess að ekki hefur verið unnt að sýna fram á að skilyrðum um fullgildingu skv. ICAO Annex 1 hafi verið fullnægt.
Í því skyni að auka sveigjanleika í þessum efnum tók árið 2017 gildi ICAO breyting 174. Hún er um útfærslu á fullgildingum þegar um samstarf margra ríkja sem viðurkenna flugskírteini hvers annars er að ræða. Á grundvelli hennar er nú unnt að fullgilda skírteini milli ríkja sem hafa samræmt skírteinakerfi. Þetta þarf að vera gert á grundvelli formlegs samnings milli ríkjanna, e. Regional Safety oversight organisations agreements.
Sú reglugerð sem hér er til umfjöllunar endurspeglar framangreinda ICAO breytingu. Í henni er kveðið á um að skírteini flugmanns sem hyggst fljúga utan ESB á flugvél sem skráð er í öðru ESB ríki en því sem gaf út skírteini hans skuli uppfylla kröfur ARA.FCL.200 reglugerðarinnar. Forsendan er að samningur um fullgildingu sé til staðar milli ríkja og að í skírteini flugmanna komi fram tilvísun í samninginn með texta sbr. „This licence is automatically validated as per the ICAO attachment to this licence”
Aðlögunartímabil er til 31. desember 2022 fyrir skírteini sem þegar hafa verið gefin út. Eftir þann tíma þurfa skírteinin að uppfylla kröfur ARA.FCL.200. Þetta er í samræmi við ákvæðin í ICAO Annex I.
EASA hefur gripið til ráðstafana um gerð samnings milli EASA ríkja og fengið hann skráðan hjá ICAO. Fram hefur komið hjá EASA að gera þurfi annan samning sem innifelur EFTA ríkin og nauðsynlegt er að ljúka því máli sem fyrst og hefur EASA tekið það að sér.
Óverulegur kostnaður er fyrirséður við innleiðingu á þessum breytingum á Íslandi, þ.e. einfaldar breytingar á gagnagrunni og upplýsingagjöf með almennum hætt. Áhrif á flugöryggi, flugvernd eða umhverfi eru engin.
Kröfur um fjölda lendinga í þjálfun fyrir fjölstjórnarskírteini (MPL): Til viðbótar við þá breytingu sem að framan er lýst á með reglugerðinni að því að uppfæra reglugerð (ESB) nr. 1178/2011 til samræmis við tilmæli ICAO í doc. 9868, „Procedures for Air Navigation Services- Training“ – PANS-TRG, um þjálfunarkröfur fyrir flugtak og lendingu á þróaðri stigum þjálfunarnámskeiðs fyrir fjölstjórnarskírteini. Þetta er gert með það markmið Evrópusambandsins í huga að stuðla að hóflegum og hæfisbundnum kröfum um skírteini flugmanna.
Það er enginn fyrirséður kostnaður við breytinguna á Íslandi. Þessi tegund þjálfunar er ekki fyrir hendi í dag á Íslandi og ef til hennar kemur mun kostnaður ekki aukast og ekki er dregið úr flugöryggi. Áhrif á flugvernd og umhverfi eru engin.
Helstu breytingar, mat á umfangi, og áhrif hér á landi: Samgöngustofa þarf að uppfæra verklag og sjá til þess að skírteini sem þegar hafa verið gefin út verði uppfærð fyrir 31. desember 2022. Kostnaður SGS við innleiðingu er óverulegur.