32018R1142

Almennt: Í reglugerð (ESB) nr. 1321/2014 er kveðið á um viðvarandi lofthæfi loftfara og flugtæknilegra framleiðsluvara, hluta og búnaðar og um samþykki fyrir viðhaldsstöðvum og starfsfólki á þessu sviði. Markmiðið með reglugerð ESB 2018/1142 er að skilgreina kröfur til skírteina fyrir viðhaldsvotta sem sinna vottun á ELA1 flugvélum og á öðrum loftförum en þyrlum og flugvélum, þar sem gildandi kröfur miðast við viðhald á flóknum loftförum og eru óþarflega íþyngjandi fyrir þau loftför sem hér eru til umræðu.
ELA1 loftfar er skilgreint sem mannað loftfar sem uppfyllir einhver eftirfarandi skilyrði:
a. flugvél með hámarksflugtaksmassa 1200 kg og ekki er skilgreind sem flókið vélknúið loftfar;
b. svifflugvél, eða vélsvifflugvél með hámarksflugtaksmassa 1200 kg.;
c. loftbelgur, með tiltekna hámarks rúmmálsgetu fyrir gas eða loft;
d. loftskip, með tiltekna hámarks rúmmálsgetur fyrir gas eða loft.
Þá eru kröfur um viðhaldsstýringu og áframhaldandi viðhald tiltekinna flókinna vélknúinna loftfara, minnkaðar þannig að þær séu í réttu samhengi við þá hættu sem markmiðið er að koma í veg fyrir, en gildandi kröfur þykja of íþyngjandi fyrir þær tegundir loftfara. Einkum er um að ræða fjölhreyfla skrúfuþotur með hámarksflugtaksmassa 5700 kg eða minna sem er ekki í atvinnurekstri.
Þá eru kröfur auknar um viðhald, s.s. hvað varðar viðtöku íhluta og efna, e. components, parts or material, sem og að auknar kröfur eru settar á viðhaldskennslufyrirtæki að því er varðar próftökur nemenda sem hafa ekki farið í gegnum grunnnám en taka eingöngu próf í því skyni að koma í veg fyrir svindl.
Auk framangreinds eru gerðar nokkrar lagfæringar á villum í gildandi reglugerð.
Kröfur á Samgöngustofu um útgáfu nýrra skírteina til flugvéltækna sem sjá um viðhald ELA1 flugvéla sem ekki stunda flutningaflug, sem og loftfara annarra en flugvéla og þyrlna, taka gildi 1. október 2019.
Kröfur um að viðhaldsvottar sem sjá um vottun í tengslum við viðhald ELA1 flugvéla sem ekki stunda flutningaflug, sem og loftfara annarra en flugvéla og þyrlna, uppfylli kröfur reglugerðarinnar, taka gildi 1. október 2020.
Umsögn, helstu breytingar, mat á umfangi, og áhrif hér á landi: Samgöngustofa þarf að innleiða gerðina og felur það m.a. í sér eftirfarandi:
Greina nánar áhrif breytingarinnar á gæðakerfi stofnunarinnar sem er m.a.:
1. Breyting á verklagsreglum
2. Breyting útlits á skírteinum flugvéltækna (EASA Form 26), EASA Formi 11 og EASA Formi 19
3. Uppfæra þarf gátlistagrunn
4. Uppfæra þarf yfirlitsgrunn úttekta
5. Uppfæra þarf breytingarskýrslu, e. Conversion Report, vegna þeirra viðhaldsvotta sem hafa vottað viðhald á svifflugum til að tryggja áframhaldandi rétt þeirra, e. grandfathering provision.
6. Breyta þarf skírteinisgagnagrunni Samgöngustofu til að geta gefið út nýtt útlit flugvéltæknaskírteinis (EASA Form 26) og til að halda utan um skírteinishafa
7. Þjálfa þarf eftirlitsmenn lofthæfideildar
8. Þjálfa þarf fulltrúa skírteinadeildar vegna breytingar á skírteinisgrunninum og útlit skírteinis (EASA Form 26)
9. Uppfæra þarf heimasíðu Samgöngustofu með breyttu EASA Formi 19
10. Samskipti þarf við þá viðhaldsvotta sem hafa „afarétt“
11. Gefa þarf út ný skírteini með nýju útliti (EASA Form 26) á grundvelli breytingarskýrslu til þeirra viðhaldsvotta sem sinna vottun viðhalds á svifflugum. Um er að ræða milli 5 og 10 skírteini.
Lofthæfideild reiknar með 2 1/2 vikna vinnu fyrir utanhúss sérfræðing og tveggja til þriggja vikna vinnu fyrir starfsmenn Samgöngustofu. Kostnaður við vinnu er alls um 3,1 milljónir miðað við núverandi gjaldskrár.
Þýðing á íslensku: Sem allra fyrst þar sem nokkrar greinar eru nú þegar virkar.