32018R1832

Almennt: Reglugerð (EB) nr. 715/2007 er sérstök gerð um gerðarviðurkenningarferlið sem mælt er fyrir um í tilskipun 2007/46/EB. Í henni eru settar fram kröfur um að ný létt farþega- og atvinnuökutæki uppfylli tiltekin mörk um losun og viðbótarkröfur um aðgang að upplýsingum um viðgerðir og viðhald ökutækja.
Sérstök tæknileg ákvæði sem sett hafa verið um framkvæmd reglugerðar 715/2007 eru sett fram í reglugerð (ESB) 2017/1151 sem kemur í stað og fellir úr gildi reglugerð (EB) nr. 692/2008.
Engu að síður munu áhrifin af reglugerð (EB) nr. 692/2008 vara áfram að sumu leiti þar til hún fellur úr gildi að fullu frá og með 1. janúar 2022. Því er nauðsynlegt að skýra að þeim áhrifum getur fylgt möguleiki á að óska eftir framlengingu á gildandi gerðarviðurkenningum sem veittar eru samkvæmt reglugerðinni.
Með reglugerð (ESB) 2017/1151 voru innleiddar í löggjöf Evrópusambandsins reglur um nýja prófunaraðferð (WLTP). Sú aðferð felur í sér strangari skilyrði um framkvæmd losunarprófa við gerðarviðurkenningu.
Reynsla af beitingu WLTP aðferðarinnar hefur sýnt að aðlaga þarf hana frekar að gerðarviðurkenningarkerfi Sambandsins, sérstaklega að því er varðar þær upplýsingar sem fram koma á viðeigandi skjölum Þær breytingar þurfa að koma fram á samræmisvottorði og öllum gerðarviðurkenningarskjölum ökutækis samkvæmt tilskipun 2007/46/EB. Því er nauðsynlegt að breyta reglugerð 2017/1151, reglugerð 692/2008 og tilskipun 2007/46 til samræmis.
Umsögn, helstu breytingar, mati á umfangi, og áhrif hér á landi: Engir framleiðendur ökutækja eru á Íslandi og hefur gerðin því lítil sem engin áhrif hér á landi eins og stendur. Kostnaður við innleiðingu þessarar reglugerðar er metinn óverulegur sem enginn.