32018R2042

Markmið sem að er stefnt: Þess er vænst að með WLTP-prófunaraðferðinni fáist gildi fyrir koltvísýringslosun og eldsneytisnotkun sem endurspegla betur raunveruleg akstursskilyrði.
Gildistaka: Á 20. degi eftir birtingu í OJ. Liðir 2(c) og (d) í 1. gr. koma til framkvæmda 1. febrúar 2019.
Aðdragandi: Samræmd prófunaraðferða fyrir létt ökutæki á heimsvísu, e. World Harmonised Light Vehicle Test Procedure, (WLTP)) er sett fram í reglugerð 2017/1151/ESB. Frá 1. september 2017 varð aðferðin ný lögboðin aðferð til að mæla koltvísýringslosun og eldsneytisnotkun léttra ökutækja. Aðferðin kom í stað nýju evrópsku aksturslotunnar (NEDC) en beiting hennar byggði á reglugerð 692/2008/EB.
Í reglugerð 2017/1152/ESB er kveðið á um aðferð til að bera saman koltvísýringslosun, sem er annars vegar mæld í samræmi við reglugerð 2017/1152/ESB og hins vegar koltvísýringslosunar sem er ákvörðuð í samræmi við reglugerð 692/2008/EB.
Einnig er kveðið á um málsmeðferð við beitingu nefndrar aðferðar til að ákvarða sértæka meðaltalslosun koltvísýrings fyrir hvern framleiðanda. Þá er kveðið á um þær breytingar á reglugerð 293/2012/ESB sem krafist er til að aðlaga vöktun gagna um koltvísýringslosun þannig að hún endurspegli breytinguna á losunargildum.
Efnisútdráttur: Reglugerðin inniheldur tvær greinar:
1. gr. – 1) Nýrri grein, 6a, er bætt við reglugerð 2017/1152/ESB um tilkynningu niðurstaðna WLPT mælinga, 2) Eftirfarandi breytingar eru gerðar á I. viðauka sem setur fram aðferðir til að ákvarða NEDC-koltvísýringsgildi einstakra ökutækja í flokki N1: a) nýjum lið 2.2a um WLTP prófunarskilyrði og 2.2b um gildissvið WLTP prófunarskilyrða er bætt við I. viðauka, b) gerðar eru breytingar á lið 2.4 um ílagsgagnafylki, c) gerðar eru breytingar á lið 3.1.1.1. um upprunalega frálagsskýrslu fylgnitólsins, d) nýjar málsgreinar koma í stað núverandi málsgreina í lið 3.1.1.2. um fullgerða fylgniskrá.
2. gr. – Gildistökuákvæði.
Umsögn; helstu breytingar, mati á umfangi, og áhrif hér á landi: Ætla má að ákvörðun þessi hafi engin áhrif hér á landi þar sem hér eru engir framleiðendur ökutækja eins og stendur.
Lagastoð fyrir innleiðingu gerðar: Reglugerðirnar verða innleiddar í reglugerð um gerð og búnað ökutækja nr. 822/2004 með stoð í 60. gr. umferðarlaga nr. 50/1987.
Mat eða tilgreining á kostnaði hins opinbera, sveitar-félaga og atvinnulífs og ALMENNINGS, ef einhver er: Enginn kostnaður.
Skörun við starfssvið annarra ráðuneyta: Nei.
Horizontal issues; -Sektir, -Aðrar refsingar, -Stofnanir, -Lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.