32019D0235

Almennt: Ákvörðun framkvæmdastjórnarinnar nr. 2008/411/ESB er frá 21. maí 2008. Henni var breytt með ákvörðun framkvæmdastjórnarinnar nr. 2014/276/ESB frá 2. maí 2014. Ákvörðunin, m.áo.br., fjallar um samræmingu á tíðnisviðinu 3400 – 3800 MHz fyrir farsímakerfi.
Markmið: Markmið ákvörðunar 2008/411/ESB m.áo.br. er samræming notkunar á 3400 – 3800 MHz tíðnisviðinu og að tryggja að nægt tíðnisvið sé til reiðu fyrir þráðlausa háhraðanetsþjónustu fyrir íbúa Evrópu. Markmið fyrirliggjandi draga að nýrri ákvörðun, sem breyta mun ákvörðun framkvæmdastjórnarinnar nr. 2008/411/ESB m.áo.br., er að stuðla að farsælli innleiðingu 5G farsímakerfisins í Evrópu..
Efnisútdráttur: Veigamesta breytingin á gildandi ákvörðun sem hin nýju drögum að ákvörðun fela í sér er sú að gildandi viðauka er skipt út fyrir nýjan. Í skipulagningu og við úthlutun á 3400-3800 MHz hluta tíðnisviðsins skulu ríki á Evrópska efnahagssvæðinu gera það í samræmi við þau skilyrði sem koma fram í umræddum nýjum viðauka, tæknilegs eðlis.
Póst- og fjarskiptastofnun hefur þegar gert ráðstafanir til þess að umrætt tíðnisvið verði nýtanlegt þegar kemur að úthlutun vegna 5G farsímakerfisins og birt upplýsingar þar um í tíðnitöflu á heimasíðu sinni.
Að mati Póst- og fjarskiptastofnunar er ekki ástæða til að gera athugasemdir við þær breytingar á gildandi reglum sem felast í fyrirliggjandi drögum að ákvörðun. Þá telur stofnunin engar fjárhagslegar skuldbindingar felast í innleiðingu þessarar breytingar.
Lagastoð: Ákvörðunin kallar ekki á lagabreytingar hér á landi. Lagastoð er að finna í 1. mgr. 14 gr. fjarskiptalaga nr. 81/2003. Innleiðing á gerðinni mun farafram með því að opinbert tíðniskipulag sem stofnunin birtir á heimasíðu sinni verður uppfært og vísað til hinnar nýju ákvörðunar þegar hún hefur verið endanlega samþykkt og öðlast gildi hér á landi, sbr. og ákvæði reglugerðar nr. 1047/2011 um skipulag og úthlutun tíðna í fjarskiptum.